طيب تكويني

الهم يجري بدمي في شراييني=رحيل واللي رحل عن عالمي وينه؟
ابكي ولا ادري وش اللي منكسر فيني؟=ابكي وجرحي يحطم في شرايينه
ابكي وضعفي يزلزل طيب تكويني=ابكي وحزني يزلزل طيب تكوينه
هذا وأنا اللي فرشت لفرحته عيني=هذا وانا اللي غفيت وعشت في عينه
هذا وانا اللي عطيته كل ما فيني=العمر لاجله تسابق فيني سنينه
غيّر حياتي سرقني من عناويني=وعشت بحنانه ومت بجرح من حيني
حسبي على اللي يموت فغربة سنيني=حسبي على اللي وقف ما بيني وبينه
خل المواجع بدربي تنتهي فيني=رحيل واللي رحل عن دنيتي وينه؟