ضماي

أروي ضماي وطالعيني ثواني
وقولي ياليت أني من أول عرفتك
خليني أنسى كل جرح بكياني
وأعيش لحظه حب لا من صدفتك
يا أجمل من أجمل ما كتبت بزماني
وأروع من أروع بيت فيه أكتشفتك
وقمت أعزفه لي مر طيفك وجاني
والخبط الحانه ليا قلت طفتك
وأنا أدري أن حتى خيار المعاني
تعجز ليا جيت أوصفك وأنتصفتك
يا جوهرة من بطن ميناء عماني
ويا تحفةٍ في متحف العين كفتك
فيك الحلا من كل صوب ابتلاني
في ذمتي ماقول في يوم عفتك
من كثر ما حبك يهز المحاني
والله لونك عملةٍ ما صرفتك
حتى لو أن الفقر بعدك حداني
تبقا بجيبي كل ما ضقت شفتك
تخيل أضما وأنت مثل السواني
والله لموت أمن الضما مارشفتك
لني أخاف أني أشربك في ثواني
وتغيب عن عيني وأنا ما وصفتك