(شبه منفي)

شعر- مشاري بن متعب
ماعاد يغري هالسهر،ليه أسهر
ما دام ليلي من خطاويك: مجفي
ما يكفي اللي فات من عدّة أشهر
من ضيق وهموم وتناهيت يكفي
كم (ليلةٍ)بعدك تمادت..وأشهر
فيها الجفا سهمه على وجه ضعفي
وكم(ليلةٍ)مرّت لها الحزن مظهر
تتسابق الأوجاع فيها ل:خطفي
وكم(لةٍ) من وحدتي كنت أجهر
بالشوق،وعيون الرجا غصْب تغفي
على عقارب(ساعتي) لين تظهر
شمس الضحى وتجيني تهزّ كتفي
ليت إنتظاري في صحاريك:أزهر
صدفة قبل موتي يجاهر ب قطفي
أوليت قلبي من(خطيئتك) يطهر
يا ذنب عشت ب لذّته(شُبه منفي)
ما كان طاح الدمع،والعين(تنهر)
ولا طاح لك من قمّة النزف:حرفي
آسف،ما باقي شي يغريني أسهر
ما دام ليلي من خطاويك:مجفي