سولفي خلي الكلام يذوق خمرة شفتينك يا بعد كل الحبايب يا بعد كل النداما لا نظرت لمبسمك شفت الكرز في جمرتينك كنه بداية كلام الطفل لامن قال ماما ما سوى ضحكت شفاتك ما سوى غمازتينك علمت زهر البنفسج يتفّتح ويتناما ما خبرت إلا دموعك تبتهج في وجنتينك كل ما طاحت.. تلامس شفتك ثم تراما فضلت فرقا عيونك وتركت دافي حنينك دام فمك علم الدمع إن هما كيف يتهاما قلت بأكتب في جمالك من جواهرك لجينك وتوقفني ْشفاتك .. يا بعدهم وأتحاما كيف ما اكتبها وأنا اللي من يسارك ليمينك والهجوس تغير فيني كنها وقفة نشاما لين البسْك القصايد عقد من زينك.. لزينك وأسهرك ليلة.. تْغفي الورد في عز الخزاما أدري بكلك تعدى الوصف لكن زهرتينك تسقي عيوني ظماها وأحسب اني أتظاما سولفي الليلة غناوي يا عسى الله لا يهينك ودي أعرف لا تّبسم فمك وشلون يتساما واكتب إن سكر كلامك لا تذوق شفتينك ينسكب فيني قصايد يا بعد كل النداما
