احتريتك يالين الوقت ضيع حراويك

ياهوا البال لاتجرح معاليق مغليك
استرح وابشر ان دنياك كفت ووفّت
انت ليلة شتاء ضلما توهق مساريك
كل ماشفت زولك عتمت الليل خفّت
وانت شمعة وفاء عمر الجفا مايطفيك
وانت نسمة دفاء في وسط الاضلاع نّفت
وانت فكرة قصيده هيضتني معانيك
وانت دمعة حزن من بين الاهداب ذرفّت
وانت قصة غرامن قبل ماكتبك قاريك
سقت رجلي لاجل عينيك لكن ماخلفت
احتريتك وانا اسلي خفوقي بطاريك
وجفن عيني من ادموع التناهيت حفّت
واحتريتك يالين الوقت ضيع حراويك
ولين مات الامل بالوصل واخطاك هفّت
لكن اليوم اباعلمك علمن يكفيك
دام ريح العذل من فوق جرتك سفّت
اسمع اخر قصيده قبل تبعد خطاويك
دام رجلك على ريع المقفين شفّت
كانك اقفيت يابن الناس ماني بباكيك
واجد اللي مثل شرواك راحت وقفّت
يشهد الله لو ابعدت ماني بناسيك
لكن افياض عشقي من مواريك جفّت