طاريّ الأحلام

ياللّي على طاري الأحلام جيتيني
مابين علم الخيال وصحوة الغافي
أجّلت نومي على شانك تمريني
وأسهرت عيني معاي ونومها لآفي
والليل طوّل وطول الليل يشقيني
والصبح كفكف ظهوره قبل ينشافي
حتى الخلايا بجسمي تنتظر فيني
تسرح وتمرح على طاريك بإشرافي
والكل حولي بعد ماصار يعنيني
حلمي وأشوفه على تفسير عرّافي
واليوم مرّ الزمان وقلت يمديني
أرجع وأراجع حلوم الليل لآطافي
لآقلت وينه يرد البعد ياويني؟
والليل موحش وحلمه مابعد ظافي
والقلب عيا مع الأحزان يفتيني
إما يجيز الفراق ويفضح الخافي
والآ يرده مع الإكراه ياعيني
دامي عشقته وعشته جوع بإسرافي
ياهيه...يكفي عذاب البعد يكفيني
الجرح باقي وباقي نزفه الدافي
إما يجي حلمها بالليل وتجّيني
وتترك طريق المفارق دامني وافي
والآ عليّ الحرام ودينها ديني
لأسقّيه مُر الفراق وسمّه الصافي