باكستاني يستعد لموسم التمور بشراء نخيل مزرعة ب 3 مليون ريال !

لم يكن في مخيلة صاحب المزرعة أن يبيع تلك النخيل التي تحوي مزرعته شمال بريدة لعامل باكستاني الجنسية الذي أصر على شرائها بهذا المبلغ الضخم مستعداً لموسع التمور المقبل , صاحب المزرعة الذي أكد أنه استلم نصف المبلغ من المقيم وبعد إنتهاء نصف المده والمقرره ببيع نصف النخيل يقوم بسداد النصف المتبقي , ويشهد سوق التمور بالمملكه توجه كبير من الأجانب للكسب المادي الذي يصنف من اكبر التداولات المالية في العالم وسط غياب المواطن السعودي الذي هو احق بالدخول لهذا السوق .
السلام عليكم ورحمة الله وبركاته
اسعار التمور لم تتحسن في السنوات الأخيرة الابعد دخول العنصر الاجنبي في السوق ومنذ اكثر من 5سنوات كانت مزارع النخيل لايوجد جدوى من زراعتها واسعار ثمرتها رخيصة .
وانا متأكد وواثق تمام الثقة ان معظم المزارعين من ابناء الوطن لو وجدوا تاجر سعودي يرغب في شراء محصولهم ولو بسعر اقل من الاجنبي لباعوه وبدون تردد ؟
ولكن التمور لاتنضج الا في فصل الصيف ومع شدة الحرارة ، ومعظم ابناء الوطن يريدون المكيف اسبلت وشاشة LCDوتتن ؟
وبدون تعميم ولاننكر وجود المكافحين من بني جلدتنا ولكن للاسف قليلون ؟
وابناء البلد هم من يساعدون في استقدام الاجانب ولوذهبت لللزراعة لوجدت العشرات يطلبون التأشيرات سواء عمالة زراعية او رعاة بل ووصل الحد بالمزارعين ان يقومون بنقل ملكية الصك الواحد لعدة اسماء من ابنائه ليقوم باستقدام نفس العدد على كفالة كل واحد منهم؟
ولوذهبت للبلدية لوجدت الكثير تستخرج من اجل استخراج تأشيرات فقط بدون فتح محل؟
ولوذهبت بعد صلاة العصر تجوب الشوارع التجارية في مدينتك لوجدت الكثير من اللوحات المعلقة (مؤسسة فلان) و(مؤسسة فلان)
عادي ليش مستغربين
قريب لي موظف في أحدى البنوك
يقول لي بأن باكستاني عميل تميزززز لديهم بالبنك
وآخر حدثني بقوله بأن باكستاني هو من يسلفهم
من أجل شراء سياره له ولي والده .
هذي اصول التجارة الحرة للي مو عاجبهم
ومن حصل شيء يستاهله وأكيد السبتكاني جايبها بعرق جبينه
واللوم على شباب البلد اللي متبطحين تحت المكيفات ويصايحون ماااااااااا فيه شغل !!!
روحووووووووا قدموا ملفاتكم على ذا السبتكاني اغديه يوظفكم (؟)
السعوديين دورهم عند المندي والاستراحه والتبطح وشرب المعسل ومشاهدة كاس العالم وبالاسواق طردي ورى البنات وبس .
يالله ارزقنا وارزق مناا
3 مليوووووووووون كم بيطلع الله يرزقناوياااه من جد وينا عن التمورر ياشباب كلا يشد حزامه حتى لو بالسوق حق التمر مب لازم تلقيح صح انه شغله بس يطلع قرشين والباكستانيه يطلعون لباكستان واذا جاء موسم التمر جوك اخوذوا لهم كم مليون وخطين تحت مليوووووووون وتوكلوا وحنا ياغافل لك الله
الاخ الى يقول السعوديين نوم ومكيفات مب كلهم نوم وتبطح لا تعمم
والوظائف لاتوجد انا جامعي حاسب الي ومالقيت لو بند والي يبي يوظفن بند
باي دائره والله لاحب راسه
والتمر السعودي يبيع للاجانب ولا يبيع للسعودي بعضهم يخرب على بعض مايسدد
والله يوفق الجميع
مالنا لغيرنا الاجنبى سار ولد البلد وحنا الا جانب اس كلام تلك البدايىة (؟) (؟)
انبهرت من 3 ملايين بس خخخخخخخخخخخخخخخخ
أكيد أنه علييييييييييييييي
ياهو عليه طريقة تلميع للتمر تشريه لو ماتبي لمعته تضاعف سعره عشر مرات
استأجر غرب بريدة كله وكب من الكيماوي وعب اسطول خضار
وحصل ذهب من المغفلين
ويانايم على ودانه أصحىىىىىىىىىىىىىىىىىىىىىىىىىىىىىىىىىىىىىىى
عندي نخل سكري عدد 350 نخله من يشري ياخوان
مافكرتوا كم صارف على مزرعته هالرجال ؟؟؟
يعني اذا هذا مدخولها اكيد مكلفته مالا يقل عن 30 مليون !!!
هذه التجارة الصح باكستاني ولا غيرة
على بالكم انه يكسب كثير ... لا المكسب بسيط
وفيه بركة ويمكن يخسر
والدليل صاحب المزرعة الذي يعلم غلتها
ماهو مصدق انها تجيب ها المبلغ...
اما نحن ( حط فلوسك في اسهم شركة؟؟؟ ماتخسر )
اذا قريت الخبر تحس ان المحرر حاسد الباكستاني.وكنها طالعه من عينه.واذا قريت التعليقات تحس ان الدنيا بخير وان السعوديين ما عندهم حسد لغيرهم.بعدين الباكستاني دفع الثلاثة ملايين ريال لسعودي ترى ما دفعها لاسرائيلي.الله يرزق صاحب المرزعة ويرزع الباكستاني المشتري رزقا حلالا طيبا مباركا فيه.والباكستاني ما هو مانع السعوديين لا يشترون او يبيعون.
وقفوهم عندحدهم ماقطع ارزاق السعوديين الاهم تصدقون اعرف باكستاني يشغل هنود عنده !!!! وبعدين بالنسبة لللاخ الي يقول مانزل اسعار التمور الا الاجانب يا اخي خل اسعار التمور ترتفع ولا ياخذ دراهمنا هالاجانب !!!
الباكستاني حصل الرزق لانه لقى من ياخذ منه نصف المبلغ ويصبرعلى النصف الثاني بعد بيع المحصول ..لكن لو اقول لهالشايب او غيره بع لي نخلك بنصف المبلغ والنصف الثاني اذا طلعت المكاسب بيقول لالالالالالالالالالالالالالالا ..
مما اسمع ان الباكستانيين هم المسيطرين على سوق التمور ..لاوازيدكم من الشعر بيت يوظفون شباب سعوديين يبيعون لهم بالسوق برواتب ..يعني الباكستاني قاعد تحت المكيف دفع نصف المبلغ وهو يحشش ..والشايب يكرف من فجر الله بهالنخل هو وعياله وعماله ..واذا طاح التمر ..جاء الشاب السعودي المغلوب على امره يخرف ويحمل ويبيع براتب قليل جداا ..والارباح تحول للباكستاني وفوقه حلاوه .
..
..لاتحطون اللوم على الشباب وتقولون تحت المكيفات ..ماعنده راس مال منين يشتغل ..
..
اولا الله يرزقه و يرزق صاحب المزرعة و اللهم لا حسد،، ، فمن يعترض أو يجد حسدا في نفسه فلينتبه لذلك،،، فالرزاق هو الله عز وجل...
والله يجزى الباكستانيين خير و السوريين و غيرهم ممن يعمل و يكد و يحصل رزقه بيده، ولولا الله ثم هذولا ما شفت كثير من التداولات و المحلات التجارية و خصوصا ما يتعلق بالمأكولات مثل سوق التمر و الجح و المطاعم ... الخ
ثانيا جملة ( يعد من اكبر التداولات بالعالم) احس فيها مبالغة كبيرة، و يبدو انها مثل كلمة اكبر نافورة بالعالم و اكبر مطار بالعالم ... الخ و يوم سافرنا برا عرفنا ان الدعوى غير صحيحه.... فأرجو الترفق بنقل الأخبار...
البكستانيون هم سبب إنتعاش سوق التمور . ويستاهلون نظرا للجهد الكبير الذي يبذلونة . أما شبابنا فابحث عنهم في الأستراحات وعلى الوظائف المريحة وفي المناخ .
خلو الحسد
ياشباب بدل مانقول الباكستاني ولا الهندي ولا السوري والفلسطيني
الخير والرزق ولله الحمد كثير
تفكروا لقول الله عز وجل
واسعوا في مناكبها وكلوا من رزقه
لابد من السعي والكد بدل من النظر للغير والحقد
انا اوافق تماما الأخ فهد والمدرعم
أقول دور وا لكم احد يبيع لكم مزرعة بأعربة مليون
للأسف المزارع السعودي يأمن للاجنبي انه يعطيه فلوسه احسن من التاجر السعودي
وهذا حاصل لي انا وقريبي .
السعودي ما يبيعونه على ان الاجنبي ويش سوى فيهم العام يشتري منهم وبعد مده يرجع لصاحب النخل ويتحجج ان امه ماتت او ابوه وانه يبي فلوسه والا نزله من المبلغ ويضطر اخونا الغبي وينزله لانه اجنبي وضعيف
نستاهل الاجانب اكلو فلوسنا
لا وابشركم بعد اذا عطوا المستتثمر الاجنبي حق شراء المزارع تراكم بطرون حتى شغل في المزرعه
ماكو
والله ياهالخبر يبي يعصف بعدد ليس بالقليل من الشباب سمعو بالملايين يبي ينطون لسوق التمر ثم يخسرون
هذا الباكستاني وانا اكرف ليل ونهار وماجبت للان قيمة سيارة لابوي الله يرزقنا بالله خلو رؤساء الوزارات يسمعو هالخبر الي للان ماعينونا واحنا لنا سنين...وبالذات التربية والتعليم...
الله حرام وشي يقهر اكبر استثمار واقنصاد في البلد بعد النفط يرواح بأيدي الاجانب
وين الوزارات وين القصيبي الله يقصبه في جهنم
راحت ثرواتنا
لا تقولون رح اشتغل والله العظيم اني كنت من تجار التمور ولا خليتها الا يوم بدا البكستاني يزاحمني بالشغل ويضيق علي ويرفع السوم علي يالمزرعه دبلات صار مافي مصلحه لي البكستاني يكفيه يكسب بالموسم عشرة الاف ريال ويجتمعون قروب ويشترون انا ما احصل ولا راس المال بعض الاحيان وان كسبت ما يسوا التعب
والله يااخوان اكلمكم من واقع تجربه وانا اعرف شباب كثارين تركوا التمر بسببهم
والله حرام وين المسؤولين ابي مثل ما منعمواالعمال من تجارة الخضار والحبحب الي مكاسبها زهيده يمنعونهم من التمور ويشددون بعد على اصحاب المزارع لانهم متساهلين واحب اليهم البكستاني من السعودي
والله العظيم موقف حاصل معي انا احد الشيبان صاحب مزرعه قالي بالحرف الواحد البكستاني احب لي منك هو يعطين اقروشي كاش وانت ابلشبك لاخسرت
ارجوا من وزارة التجاره ووزارة العمل مع البلديه وضع قانون وطريقه معينه تحتكر هذه الثروه للسعوديين فقط
واعظم طامه من الدلالين الله لايربحهم اولهم العمار واخرهم المشيطي يقوم الدلال بالاتفاق مع البكستاني بشراء المزرعه له ويأخذ عليه نسبه ويشرط عليه انو هو الي يحرج عليه
وانا شايف العمار بعيني معه بكستانيين بسيارته رايحين يشوفون مزارع
الشكوى لله راحت مصالحنا ودجيناااااا
وينك ياامير المنطقه ما توقف هالمهازل
سؤال لأهل العلم .............
هل يجوز بيع الثمر قبل بدو صلاحه ؟ أرجوا الإفادة لقراء عاجل وشكرا.
الله يرزقه ويرزقنا من تعب ظفر يستاهل
العمل الحر جيد بس أين الممول للأسف القروض بشروط صعبه مستحيله
التنفيذ وبعد بالواسطه لاتعتقدون أن الشباب لايريدون العمل الحر
ولكن هذا الواقع كل شاب يريد ذلك بس ينصدم بالبيروقراطية الممحقه
بكل الجوانب
ههههههههههههههههههههه
الي يقهر ان بعض الكتاب والمتنطعين والي جالسين وهم يكتبون تحت السبلت
مقهورين من الباكستاني واخذينها محشات في ابن البلد
كلامي موجه لاصحاب التعليقات السابقه
طيب ياشاطر انت ويه يالي تتكلمون عن المواطن السعودي
اليكم ملاحظاتي
1- مواطن يملك المال ويستطيع شراء مزرعة النخيل وهذا هو الجالس تحت السبلت ويتتن
فهو لايقوى على تحمل اشعة الشمس بل ان نسمة الهوى تخدش بشرته الناعمه لذا لن يشتري محصول التمور .... ساختصر لكم ... اليس صاحب المزرعه اولى من الباكستاني
في بيع ثمار مزرعته والفوز بالربح الوفير؟؟
تعال بكره تلاقي الباكستاني يواجر دداسن البدو كل شحنه بخمسين ريال
وممشي شغله زي الحلاوة
2- مواطن لايملك المال وعاطل وفقير ولايستطيع ان يشتري زبيل تمر واحد
وهذا هو من تتشدقون عنه بانه لايعمل والصحيح انه لايملك قوت يومه
3- مواطن يملك المال ويذهب لصاحب المزرعه فلا يلقي له بال ولايبيعه بل يصده ببشده
ويفضل ان يشتري من الاجنبي ولايشتري منه هذا الاشهب الذي يتحمل اشعة الشمس
والسبب كونه بدوي
استغفر الله العظيم يبيعون التمر قبل يصفر ويحمر خاف ربك ياراعي المزرعه
لايجووووووووووووووز بيعه الان اتق الله
خافو ربكم ياناس صرتو تاكلوون الحرام ولاتفكرون طمع
ويمكن عمليات غسيل؟
اعتقد والله واعلم بانه نوع جديد من انواع غسيل الاموال والا كيف يشتري تمر بهذا السعر لم يضمن بيعه وهو يعرف ان التمر متوفر بكثره والحمد للاه ولم تتغير اسعاره كثير
كفوووووووووووو يا ابو نسافه
الي يشتغل يستاهل
وخله ينفعكم النصب وشارع النهضة وصالون الرمال هههههههههه
هههههههههههههههههههههههههههههه
تعرفووووووو السر من شراء المزرعه
غسييييل امواااااااااااااااااااااااااااال
عاااااااااااااشت بلااااااااااااااااااااااااااااااادى
يا اخوااااااااااااااان هذا الحاصل
قبل فترة تم القبض على باكستاني اراد تحويل مبلغ الى بلادة وتم التحقيق معه لانة مو اول مرة يحويل كل اسبوع
اعترف انة من وين يجمع الفلوس ويشترون مزارع كاملة حتى البرسيم
يا اخوان معضهم غسي اموال كيف؟
يبيع مزرعة بباكستان مخدارت سعرها مثلا 500الف
ويتفق مع العمال اللي هنا اللي يبون يحول فلوس لاهلم في باكستان انة يحول 1000 ريال بدون فوائد من البنك يعني 1000هنا تاصل لاهلة 1000 بدون عمولة البنك يتصل على اخوانة هناك ويقول خذو من مبلغ المخدارت 1000 واعطيها بيت فلان وهو ياخذ 1000 من هنا بالسعودية لمن ياخذ حق المزرعة اللي 500 الف ريال ويكون هو كذا معاه فلووووووووووس
وكل هذا غسيل اموااااااااااااااااااااااااااااااااااااااااااال
كل التمور تشحن لأوروبا ثم تتوجه لإسرائيل .. جاكم العلم ..
المشكلة تكون في بيع التأشيرات
التاشيرة وصلت 15000 الف ريال ( سعودي)
لية مايشرها الباكستاني بهذا المبلغ العالي لأنة يطلع قيمتها دل
الله المستعان
اولا : الثقة بالأجنبي والخوف من السعودي !!!
ثانيا : الشاب اللي تقولوا عليه وتلومونه منين يبدأ وهو اصلا صفر ؟!
ثالثا : على اصحاب الأموال مساعدة الشباب مثل عبد اللطيف جميل !
رابعا: وين دور المؤسسات الحكومية ؟
أبو فراس تسأل عن جواز بيع الثمر قبل ابتداء نضجه في ديرة القصمان..!!
القصمان لو يحصل لهم باعوا السمك اللي في الخليج والبحر الأحمر وهو في البحر
الله يرزقنا وياه
الله يوفقه
يستاهل
عادي
ليش مستغربين
انا أشتغل بالسوق لي أكثر من عشر سنوات لا ويدخلون أكثر
والشباب السعودي نايم يا حرام تحرقه الشمس الا ماندر من السعوديين
والباكستانيين لاعبيين بالقش
والبلديه مسؤله كامل المسؤليه هي اللي سمحت لهم بالشغل بالسوق وغيره
نصيحه هامه
للي ماعنده عمل اويبي دخل اضافي
اللي يبي الرزق يشتغل حر ومن هذي السنه زبنوا انفسكم واشتغلوا بالسوق (سوق التمر)
ترى فيه خير كثير التمر فيه خيركثير
واختاروالشغل اللي يناسبكم بسوق التمور
ومنها
1- الشغل داخل السوق؛ بيع وشرى وعليك بالطيب ولو وفق الله راح تدخل يومياً من2000 الى3000من الفين ريال الى ثلاثه بس اصمل وعليك بالتمر الطيب لانه ماراح ينشب بحلقك عليك بالطيب
ولايحتاج راس مال كثير بس سياره صندوق ددسن والا هايلوكس اي مديل وبضعه الاف لاتتعد العشره الاف
2--الجلب الى السوق : هذي مناسبه للي معاه سياره صندوق اي الاتفاق مع صاحب المزرعه نظام اردود عاد انت وشطارك تصلح للصاريين واللي ماعندهم خبره ابد ابد
3--شراء التمور والذهاب به الى الرياض او اي ديره غير الرياض عاد اذا تبي تبسط اوتبيعه حراج في (عتيقه)او تمويل المحلات بسوق (الربوه) والخروج بفائده من خلال فرق السعر
4-- الدلاله (التحريج)مع احد الدلالين الكبار لانها تبي راس مال كبير ولايقدر احد يجي من برى ويصير دلال لاسباب كثيره بس بامكنك تصير معاون او( محصل ومسجل فواتير) خلف الدلال
5--عاد جينا للذهب والفلوس والله ان تحشى حشي وتطلع على البحر من زود الدراهم بس محتاجه راس مال
وهي مثل الباكستاني صحبنا هذا وهي شراء الاملاك (ثمر المزارع) من اصحابها واحياناً بعض المزارعين اصحاب الاملاك يعطيك على التصفيه وما ياخذ عليك شي الا بعد التصفيه بس يبيلك معرفه بأحد اصحاب الاملاك
صحيح فيها تعب شوي بس فيها ذهب كثير
والله يرزقنا ويرزكم ودعواتكم لي ووالدي بالتوفيق
واذا نسيت شيء ترى من نفسي والشيطان
ادحروا الشيطان وفسروا عن ذرعانكم واسألوني او اسألو اهل الخبره بالسوق ولايهمكم احد واستعينوا بالله وحده
ياأخوان يعني ما تدرون إن محلاتنا وإدارتها الاسم فقط سعودي
محلات المفروشات كاملة أغلبها أفغان
ومحلات التوفير ولا تنسون الحراج والتشاليح
الله وأكبر يعني ناسين ولا مقفلين عيونا بالعمد
إقتصادنا قايم على الأيدي العاملة الأجنبية فأكلوا الأخضر واليابس
وحنا تحت المكيفات وكرسي دوار وخمس خطوط هاتف وسكرتير
والرجال تحوش بالملايين
على قولت بنقالي السعودية كل ذهب بس سعودي ما يعرف
انا في الحقيقه اشك في هذه المبالغ الكاش مع العمال , فالمفروض ان البيع والشراء يتم عن طريق شيك مصدق من البنك وبذلك يكون تحت انظار الدوله.....
لكن طريقة الشراء هذه مريبه ولربما تكون طريقة الشراء هذه لغسيل اموال
تم الحصول عليها عن طريق المخدرات او السرقات او غيره
والله يستر
وووووين الجهااات الامنيه والمسئوولين من هذا العااااااااااااااااااامل؟؟؟؟؟
ثلااثه مليوون ريال وهوو اصلااا جاي للبلد بفيززا عااامل بمررتب لايتجاااوز الف ريال؟؟ ويحصل هاللمبلغ؟؟ اكيد فيه اموور خفيه
ويجب معرفه من ووين جاابها وكذلك من هو كفيله الحالي والساابق ان كان لانه ربما كفيله متسسستر عليه وحااط كلش باسسسمه
معقووول وافدين بحساباتهم هالمبااالغ ومحد يدرري عنهم ؟؟؟
والا خيرنا للبنااني والسووري والفلسسطيني وغيرهم دايم الاجاانب بعز عندنا تعليم وصحه وسسستر ويحولوون مايقارب 800مليااار كل عااااام عن طريق البنووك ومايقارب 130مليااار بطرق غير نظاااميه ومحد يسأل الاجنبي راتبك الف والا الفين وتحوول كيفماتشاء.
فنحن نواااجه شبكااات مخدرااات وارهابيوون وغسسسل امواال وغيرها فنسأل الله ان يحممممي وطننا ويجب ان يكون المواطن خيره لبلده وابن بلده وليس للوافد لان هؤلاء لو راح سعوودي يششتغل عندددددهم وهم عاطلين كان اكلووه وسحلووا جثته
0
0
مستغربين من 3 مليوووون !!
فيه صفقات أكبر من هذه بكثير .. وأطرافها باكستانيون !
لكن ماقول غير الطمع يعمي ! والجهل غربال !
كيف هالسعودي يبيع ثمرة النخيل والتمر لحد الان لم ( يصيبه اللون ) !!
ماااااا يجووووووووووز البيع والبيع باااطل
فَعَسَى رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ
للبوار ولن تجد البركة !
والله من الفلوس
الشغلة كلها على بعضها غسيل اموال
والناس نايمة على ودانها
اخوانى المعلقين من واقع خبرتى بسوق الاجنبي يلم ملالالاين بسرعه
والسعودى لا والسبب هو أن الاجنبي ما تفرق عنده حلال من حرام فتلاقيه شغال
برشاوى وترسية المناقصات والبخشيش والسرقه
السعودى تعف نفسه عن ذالك وأغلب الاجانب الى كوونو ثروات بهذا البلد
هى من طريق حرام الا من رحم ربي أنا 30 سنه بسوق ومحتك وعارف ايش أقول
كيف معاه 3 مليون
والمواطن العادي ما يملك قيمة عشاه
تناقضات غريبه
يارب وفق البكستاني ووفق جميع من سعى لرزق
ايوالله الكلام صدق اجل لانه في واحد من الشباب يقول ببيع التمر علي باكستاني
قولو ماقاله الطعس الجبلي/
1) يبي يعطيه نصف المبلغ والباقي عند الخراف ( قابلوني ان شافه) ابو نسافة مثل النار يبي يدخل هالمزرعة هو وربعه رايحين وجايي وكل شي بدربهم يبون يضفونة وبالاخير راعي المزرعة لا هب الي حصل فلوسه ولا مزعتة التي تبي تصير مثل حمامات المسجد (الله يكرمكم ) عاد انتم تعرفون الباقي .
2) والشرهة على راعي المزرعة طمعوة ولا فكر الا بنفسة.
يستاااااااااااااااهل البكستاني ولا السعووووووودي يخسى بس يبي كل شي يجيه بسهوله ولا بعد شايف نفسه؟؟؟؟؟ ياريت بس اتزوج اجنبي:
موغريبة الأجنبي يعمل كذا الغريبة السعودي اللي جالس يتفرج على الأعمال والفرص وأموال البلد تروح منه بكل بساطه ولايفكر كيف يجنيها المال من خلال التجارة ، ليه الأجنبي لاتحرك ننقهر لأننا شعب كسول ومغرور نبي كل شيء على الجاهز ويقول أنا سعودي أشتغل كذا أعمل كذا كفى كسل أموال البلد تروح للغريب وحنا ولا حراك .
هذي حركه نصب من صاحب مزرعه علشان يبيعون النخل بسعر غالى
البلد نايم وسكانه رقودي
والكبار يخالفزن امر القيادة
والتصرف صار بيدين الهنودي
والمواطن صار ضيفن في بلاده
حقهم يجلب عليهم بالنقودي
وفوق حقه ياخذ الهندي زيادة
الحكومة دوم مرقاها سنودي
والبلا من مخ شواي الجرادة
للبلد واهل البلد مامنه فودي
مايطور من تربى بالبلادة
اللي يقووول عنا ياشبااااب اننا بس نووووم وسهررر ودجه في الشووووارع ...اقوله لي فووووق 10سنوووات وابحث عن عمل ولوعااااامل مالقيت واقسم بالله العظيم اني صادق ويشهد على كلامي اللي ماتنام عينه.....
السعودي محارب في كل شي اذا جاء يبي يفتح محل عقدوه البلديه بشروطهم التي لا تنتهي
واما الاجنبي تخلص معاملته باسهل الطرق
اما اتوقع لو كان يبيها سعودي ما راح يعطيه اياها بها المبلغ بال اضعافه اقصد المزرعه
اقسم باالله ان عندي الباكستاني اهون من الخكاريه اللبنيني وال ابو طعميه والسلام
اين الفتوى والمتشددين عن هذه البيعه الباطله لعدم نضوج التمر حتى الان اوجيدين الملاسنه في فتاوي الخلاف مع العلماء لماذا لايبين الحكم للناس مثل هذا العمل ليتعلموا ويستفيدوا لانفرقهم هذا مؤيد وهذا معارض على مسائل خلافيه ناقشه من قبلنا بهدوا ورويه اين نحن منهم كيف المفتي يسب الاخر ويفرح علينا الاعداءهذا زمن انحطاط واحباط من نؤيد الجميع لدينا اهل علم ونحسبهم كذلك ولانزكي على الله احد........................... انشري ياصحيفة عاجل ولايكون هناك انتقايه........... ابن القصيم
أنا أعرف صفقات أكبر من هذا المبلغ لباكستانيين
أبوي لديه مزرعةما شافالخير إلا يوم بدأ يبيع علالباكستانيوالسبب إنه يوفر بالشغل
المهم اقتصادنا تخصصات
المزارع باكستان وافغان
المفروشات بخاريين
محلات تجزئة حضارم
بقالات هنود
بناشر يماني
صيدلة مصري
مطاعم شوم
حلاقين أتراك
خردت حديد بنقال وهذه بها مئات الملايين
مناقصات بالباطن لبنانيين وفيها مليارات
وظيفة للعيشة والبقاء على قيد الحياة سعوديين
يعني شو الجديد سبقونا الباكستانيه بالبطاطس والبصل
ليش مايكون هناك رقابة على الباكستانيين اللي يغشون في بيعهم وشرائهم وكل من قال شئ في السعودي والله إنه له سهم مع العمال وتعال وشف السوق يافهيم لان الشرط اربعون وين السعودة يااهلها لكن الله يرحم الي بيده ولايعمل وليش مايطبق نظام العمل الاعلي المحلات ليش يصرح للباكستاني وغيره يبيع بالتمر ولايبيع بالمحل على طول يسكر لكن نناشد اميرنا الحبوب ان يرحم الشباب لكي يعملوا بدل العمال
أنتبهوا ايه الاخوه تري سمعت يقولون إنهم يصنعون من التمر خمر لذلك لابد التأكد من الشخص الى تبيع عليه وسلامتكم .......
اتوقع والعلم عند الله
ان الباكستاني اما ان يقوم بزرع المخدرات داخل النخيل أو
عند بيع التمور لايسدد المبلغ المتبقي
وانا اتوقع الاولىلانه في حالة حصلت قبل ثلاث سنوات ان
الباكستاني قام بزرع مخدرات داخل النخيل........
رد على مشاري
كتاب عدل جده أفغان
هذي مشكلتنا نظن أننا شعب الله المختار
والحسد على كل شيء هذا اللي شاطرين فيه
الله يبارك لراعي المزرعة وللباكستاني ومن حصل شيء يستاهله
هذا البيع لا يجوز فقد نهى النبي صلى الله عليه وسلم عن بيع الثمار قبل بدو صلاحها
وبدو الصلاح يكون بأن تحمار أو تصفار يعني يصبح لون الثمر احمر او اصفر
واتباع كلام الرسول اولى ويسبب البركة في البيع
مافي مزرعه تسوي تمر بثلاثه مليون وبعد سعر جمله وعلى النخل شوفلك غيره
لو هاذي الاسعار صحيحه كان ما موتوا المزارع وزعوها اراضي
المفروض فيه منع للأجنبي من مزاولة البيع والشراء
نعم يمنع .. التستر ذبحنا ..
يا عالم حرام الأجانب يبيعون ويتلاعبون بالأسعار ويتحكمون بعد
بالأعلاف
والخضار
والسيارت الآن أشوفهم في كل المعارض
والحديد والخردة ووووووووو
يا ناس إمنعوهم عشان بس نوقف على رجولنا ونكون حالنا ما يصير هالكلام
ساعدوا الشباب والله بس يمسكون الطريق وتشوفون كيف شبابنا
يمسكون السوق ..
خيرات هذا البلد للاجنبي باكستاني بنقالي او غيرهم لاكن على من اللوم ياخوان الكثير من السعوديين يبيعون الفيز ب 12000 الف ريال ويكون كانه مالك الكون وبعد ذالك 200 ريال او بعد ما ياخذ 200 والبا كستاني يدخل راتب وزير مع المميزات لاكن الشي المتوقع ان السعودي رايح يعمل عند البا كستاني با المزرعه التمر با كستاني البطاطس با كستاني الحبحب با كستاني الموزع با كستاني الملابس يماني وانا واثق لو ان السعوديين شجعوا وثقفوا وعلمو بان الدخل في هذه الاشياء يجني مبالغ خياليه لا نافسو الاجنبي واكلو ا الجو عليه 00000ا وشكرا
انا معك يالفقيرة خلينا نتزوج اجانب بسسسسسسس ماعلي منك انا ابى هالباكستانى واني خوذى اخوة هههههههههههههههههههههههههههههههههههههههههههههههههههههههههههههههههههههههههههههههه
تعال بكره تلاقي الباكستاني يواجر دداسن البدو كل شحنه بخمسين ريال
وممشي شغله زي الحلاوة
هذا كلامك يا مواطن عاطل
خل عنك العنصريه وشف الباكستانى اشتغل احسن منك وانت مواطن عاطل
الرازق بالسماء والحاسد بالارض
السلام عليكم ورحمة الله وبركاته
يا إخوان ليش مستغربين
3 مليون ؟؟؟؟؟؟؟؟؟؟؟؟
أصلا قبل ما يتاجر الباكستاني بها المبلغ في التمور أعتقد الدولة ( المالية ) البنوك و المخابرات عارفين و لا لا منين جايب ها المبلغ ؟؟؟؟؟؟؟
و أعتقد هذي لعبة ملعوبة على صاحب المزرعة إلي باع و أعتقد أن الباكستاني وراه سعودي دفع المبلغ و كلف الباكستاني بالمتابعة ؟؟؟؟؟؟
وأعتقد كذلك أن الباكستاني وراه مجموعة من بني جلدته جمعو المال للتجارة معاه
و هذا بدون حساب و لا رقيب ؟؟؟؟؟
وين الرقابة المالية للحسابات
من أين لك هذا ؟؟؟؟؟؟؟
قبل كم سنة حبيت اغير صبغة البيت من برا .مريت على كم محل وشفت الاسعار المهم اتفقت مع هندى يجي يشوف البيت والمقاسات ويعطيني التسعيرة وجاني راكب ( VXR )
موديل السنة واتفقت معاه ويوم الصبغ جاني راكب كامرى موديل السنة وكاشخ والعمال بنقالة اخذ المدراهم وعطاني ضمان عشر سنوات .
كله سعودي كويس يحب خير لكن أنا باكستاني محروم اطلع للبر محروم من شوف مباريات محروم من استراحات محروم من شوف كله قنوات محروم من تطعيس كثير محروم لازم نفر سعودي قدر ظروف أنا .
اين دور الاجهزة السرية او مشغول في ابو دقن
اين دور حمياة المواطنين ( حمياة الانسان )
اين دور الجوازات ومكتب العمل اين الدلالين الذين يشترون من الاجنبي
اين العقوبات او في الادراج وتطبق على المواطن فقط
بلد فالت فيه الامن بايباي
الغريبة اذا الواحد حول من حساب الى حساب اكثر من 60000 الاف ريال
س ج س ج س ج
اما الاجنبي فانت هر هر هر في مالك
ابغى اقول لواحد من الفلاسفة اللي يقولون السعودي تحت المكيف روح اشتغل بباكستان ولا بمصر ولا باي دولة مثل مايشتغل الاجنبي اللي عندنا وبكل راحة والله ثاني يوم وانت مطرود ومبعد من بلدهم ما اقول الا الله يكافي هالمسئولين اللي ما اهتمو بابناء الوطن ووجدولهم وظائف ذات قيمة اجتماعية مع تحديد عمل الاجنبي في البلد تحديدا واذا في راس الاجنبي تجارة يحل ويروح بلدهم غير ياكلونه ابناء جلدته هنا في المملكة الامان ولكن لا يعني الامان للأجنبي وضياع للشاب السعودي غير المتجنس اللي هو الثروة الحقيقية للبلد وهو الغيور على البلد وكانت في الاعوام السابقة وماحدث فيها من حروب هي اكبر دليل على مرجلة الشاب السعودي وتضحيته
لبلده .
لابد على المسئولين تحديد اعداد الاجانب في البلد وهذا شي ملزوم منهم
لابد من تحديد وظائف تليق بمكانة الشاب السعودي المتعلم ماهو مثل ما يقولون الحضران لاتقول الشغل عيب لاني اريد ان ارى ابن مسئول بوظائف عامل في البلدية في الشارع ثاني يوم انا قبلة في الوظيفة .
المسئولين هم دمار البلد لان جميع مبالغهم المالية بايادي الاجانب تدار وفوائدها لهم فنجد ان هذا العامل او ذاك ابحث عنه فتجد ان اصل المال ليس له .
الاهم ان اغلب من قال ان الشاب السعودي تحت المكيف تجده يوميا لمكتب العمل تاشيرات وافلت بهالبد وكل شهر وهم ياكلون اجر العامل ولا وظيفة ولا غيرة
اخي السعووودي افخر باخيك وقف بجانبه وكن وطنيا وكن معه ولا تكن علية
من حصل شيء يستاهله
كان ابائنا من العقيلات اهل بريدة يعملون بالتجارة في بلاد الشام ومصر والعراق والخليج والهند
وهكذا الدنيا فمن لم يعجبة مايقوم به العمال الباكستانيين فليشمر عن ساعدية ويحل مكانهم
اما الجلوس خلف الحاسب وارسال الاستنكار والاستهجان فهذا كلام العجزة وقديما قيل الحزم مع العزم
ارجو ان اراء الشباب في هذا الموسم اكثر من الموسم الماضي فقد كانو شعلة من الحماس وحيوية
وفق الله الجميع لما يحبة ويرضاه
اولاً : الله يرزق الجميع
ثانياً : اللي جاي يقول ولد البلد يبي مكيف اسبلت وشاشة LCD ومدري وش بعد
أشوفك ماشاء الله عليك تطامر من محل لمحل ومن الجرده لحراج التمر وإلى حراج الحبحب ،، ياخي لو أدري انك واحد فاضي تسدح وتبطح مثلنا ولااا يمكن انك بمكتب ونص الدوام نوم وقراية جرايد وتصفح نت
ياخي انا لو أجي لسعودي ماوثق فيني ، بس لو يجي بنقالي ماغسل وجهه من قرن ونص صدقه وعطاه كل حلاله والدليل الافارقه اللي لاعبين على العالم بتوليد وزيادة الأموال وشوفو كم المبالغ اللي يسرقونها ،، ياخي الدولة هي من عطت الثققة للاجنبي
واذا على التأشيرات انا يحق لي أترزق الله دام رزقي عليها خلني اجيب العامل ويعطيني شهرياً 2000 وهو يطلع مليونين لو يبي بس انا كم عندي عامل 2000 مثله ، وعليك الحساب
ياليت ماتجمعون وتقولون الشباب والشباب عطني الثقة وبعدييييين تكلم ياعزيزي انت ويااااه ، لو أجيك واطلبك ريال واحد ماتعطيني ولو يجيك يمني شحاذ عطيته كل اللي بجيبك