«الخطا وارد»

الخطا وارد وكل الناس تخطي
البلا في عالمٍ أخطت تمادا
لا تعرف العذر لا تاخذ لا تعطي
تحسبنها فالسليم وهي تحادا
العوارف من قديم الوقت مبطي
ما يدانون الجهل منه تفادا
يرفعون النفس عن شيلٍ وحطي
ولا يجيبون العلوم الا وكادا
يا زمن فيه الثعل فالذيب يسطي
قام ياخذ من فعوله ويتمادا
ومن عطي في ذا الزمن حلٍ وربطي
وطاب حظه في حياته والمرادا
صار عنده فالقيم خبطٍ ولبطي
ما يحسب حساب عيب ولا نقادا
والاوادم تختلف ماهوب شرطي
فيهم اللي لا لفاه الخير فادا
وللتواضع يدفعه عزم وتخطّي
فاللوازم حاضرٍ لو ما ينادا
قلت هذا جعلني ما احتاج قطّي
وعل يقضي لازمي رب العبادا