العقد

سالفه فالذاكره ماهي بعيده
انقطع عقدٍ تناثر حول جيده
أضحكوا عذاله المرضى شماته
فجأةٍ رديت في نبرة شديده
ما يذوب العقد يا عذال لكن
ذاب عقده بعد مالامس وريده..!
ابتسم قال انتظر لحظه رجاءٍ
من تكون؟ اظن شفتك في جريده
قلت شاعر ليتني ماكنت شاعر
في شعوري قاف واوزان وقصيده
شاعرٍ لو تفحص دماغه تلاقي
الشعر أصبح خلاياه الجديده
قال اجل ليت المسا يبطي علينا
قلت يبطي وانت يافاتن تزيده
دام خلّيت المسا فالخد شامه
لاتقول ان المسا فتره وحيده !
قال من ذوقك وقلت بدون ذوقي
عن جميع الناس بك حاجه فريده
انت تعْرَق من كثر حسنك ملامح
كيف يعْرَق آدمي أشيا مفيده..؟
قال في درب النقا خلنا نواصل
قلت في نفسي وانا نفسي سعيده
اشكرك يا عقد مقطوعٍ جمعنا
قدت لي انسان لا يمكن أقيده