عواكيس

* الأستاذ معوكس وين راحت تغريدة نائب رئيس لجنة الحكام بالاحساء عن انذار سلمان الفرج ومن اكلها بعدما غرد بها؟
راشد الدوسري - الخبر
-حولوها للماده الخامسة!
* وش خرجت فيه يامعوكس من لقاء كومبواريه الفضائي.. وماذا يريد ان يصل اليه.. وهل صحيح انه قبض عشرة آلاف دولار مقابل الظهور؟
ناصر الشهري - النماص
- قبض واللي يبيه بعض الناس ما وصل له!
* الحبيب معوكس ما الذي حدث بين هزازي وبلقيس .. صجة ولجة ونايف راح نايف جاء وهذي آخرتها؟
الهلالي عبدالسلام التميمي- الرياض
- قبلهم قيس بن الملوح وليلى والفرق ماكان عندهم دبي مول!
* اخي معوكس متى شعرت ان الفوضى بدأت تعم الوسط الرياضي وتؤثر فيه؟
بدر اليوسف - الجوف
- بعد الدلال شكوى في درج عيد ومدرب يرفض الصعود للمنصة ولاعب يرمي مشجع بعلبة الميه وعاش الانضباط!
* صاحب المليون رسالة معوكس وش الفرق بين شبيه المتنبي وصديقه المطرود من البرنامج الفضائي؟
نواف الصيخان - حي الفلاح
- أثنينهم خبصوا في تويتر وبعدين طقتهم أم الركب وقالوا الحساب مخترق!
* صديق الجميع معوكس هل يحق للكاتب ان يحترف برا بحيث يروح على انه هاوٍ ويوقع عقداً هناك ويرجع ويسجل هنا في احدى الصحف؟ ممكن تجرب ونشوف وش يصير؟
سعد الحميدي - عرعر
- خلاص ابحجز على البرتغال جنب عيال عطيف!
* الاستاذ معوكس متى نشوفك عضوا في احد اللجان تامر وتنهى.. اكيد لديك افكار تطوير خطيرة والدليل انك ماغير تنتقد الناس؟
عبدالله الشمري - رفحاء
- اللجان بعضها صار كنه وكالة أنباء خاصة!
* الاخ معكوس لماذا اصبحت الرياضة لدينا مملة وكثر فيها النفاق والكذب والمجاملات وغيرها؟
متعب صويان
*من يوم صار كل من هب ودب ينظر هذا شريطي وذاك شويعر ومعهم ابومادة خامسة!
*خفيف الدم الساخر معوكس قل لي طمني أعرف أنك واصل وش اخبار الهلال؟
أحمد الحمد - بريدة - حي الجامعيين
- صابته العين شكله زودها من قحش الذهب!
* قاهرهم وحابس دمهم ابو العواكيس ودي أعرف أذا مازلت تحب الطحينية عندي لك تنكة أم خروف يحبها قلبك بس هاه ترفق وكلها مع خبز لا يرتفع عليك السكر ياسكر؟
حمد الدوسري - أبومبارك - العزيزية
- أقول ما يرفع سكري إلا مطرسة لجان اتحاد الكرة عندنا وتناقض المتحدث الرسمي!
*عزيزي معوكس شكلك ماتحب طاري المسيار أنا حللت شخصيتك جبان بنمرة واستمارة
بندر العصاي - عنيزة
- بنمرة واستمارة وأخاف من ساهر يلقطني!
* الاشهر والاملح أبو العواكيس وش تقول عن مناورات ماقبل النهائي مرة نبي حكام أجانب ومرة نبي نسجل محترف أجنبي
موضي الهلالية - بريدة
-خربها الشلهوب وحولها يامن شرى له من حلاله عله!
*الصديق الغالي معوكس معقولة أعضاء شرف الحزم توهم يكتشفون تخبيص الادارة ويقررون إقالتها وينهم كل هالسنين؟
أحمد السليمان - الرس
- حسوا انهم بيصفون جنب الرمة والأمل يونايتد!
*الحبيب معوكس اذا كان الهلال بفوزه بكأس ولي العهد غنى لحن البطولة فماذا غنى اسامة هوساوي؟
خالد الحمد - القصيم
- غنى نشيد الاهلي عبر الزمن ونار ياحبيبي نار!
*العزيز معوكس أحس أن الهلال يلعب بدون محاور قدام العين رفع ضغطنا القرني والفرج وش الحل معهم
سامي العصيمي - الرياض
- مالك الا خشمك لوهو عوج!
مع تحيات معوكس .........وسلامتكم
للتواصل sport@alriyadh.com
فاكس 4871070