عواكيس

الصديق الوفي معوكس من حي العزيزية جنوب العاصمة وبودي أن أسألك عن رأيك بقفزة النمساوي فيلكس؟
حمد الدوسري-ابومبارك -حي العزيزية
- أقول أحمد ربك أنه ماطب عليكم في سوق الحمام ولا كان تلقى الدجاج والحمام فوق مشتل الخرج من الروعة!
*الحبيب ابو العواكيس تحية محبة وتقدير وبعد: قل لي بصراحتك المعهودة بماذا تعلق على الحكم «ابوعجراء» الذي حضر من دون دعوة احتفال بعض مشجعي فريقه المفضل بمناسبة خسارة المنافس دون ان توجه له الدعوة؟
بندر العصاي
-عنيزة
-خل الباقي يعتزلون ويلحقونه مع الرابطة!
* قاهرهم وحابس دمهم عكوسي تحية مع باقة ورد لحضرتكم وبعد: معقولة اللي صار من جماهير الاهلي في مباراة كرة الطاولة والمشكلة أن جماهير الاتحاد ردوا الصاع صاعين؟
علي عزوز -جدة
- مجانين!
*صاحب المليون رسالة معوكس ماعندك أخبار عن الحزم خلاص راح للاولى؟
احمد العلي
-الرس
-لابرحي ولاغيره في الطريق لمواجهة الموج والامل!
*الساخر الفنان معوكس تحية وبعد: وش ذا الغرامات مافيه الا بالآلاف أقول انتبه ياصديقي لايجيك الدور ويغرمونك؟
سطام العتيبي
-المونسية
- الله يستر أدخل حوش بيتنا ويصكوني بغرامة!
*أشهر وأحلى ناقد ابو العواكيس ليه جماهير الهلال ماتسوي زي جماهير النصر بالمثل اذا طلعوا من بطولة يحتفلون ولا وش رأيك؟
نواف الصيخان
- حي الفلاح
-لاهذي صعبة ومكلفة كل موسم خروج من اربع بطولات من عشرين سنة تبي لها ميزانية النقل التلفزيوني!
*الغالي معوكس تحية طيبة: بعض الناس بطل ينحر حواشي لاخسر فريقه ظنك صار محايد ولا غلاء الحواشي السبب
عبدالعزيز التمران
- الشفاء
-غلاء الدجاج!
*عزيزي معوكس وش رأيك بخالد عزيز يا خسارة شكله لحق الدوخي وخميس يعني من طلع من داره قل مقداره؟
الشبابي -عبودي
- قل مقداره وراح عليه المندي!
*العزيز جدا ابو العواكيس وش رأيك في غرامة الكابتن نور خمسين وش ناوين عليه أن كررها مرة ثانية؟
عبدالملك المرشد -عرقة
- ناوين اربعمية وكبوت مقلوب!
*السيد معوكس يقول رئيس الهلال أن من ينتقد أجانب الفريق فليتفضل ويحضر أفضل منهم على حسابه الخاص أنت عطني وجهة نظرك؟
مشعل الصيخان
- حي الفلاح
- يعطيه الكرسي ويتفضل ومستعد يغير الفريق كله!
*عزيزي معوكس معقولة هالفرحة من ريكارد ورئيس اتحاد الكرة يعني طموحنا الفوز في مباراة ودية قدام الكونغو؟
فهد العبدالرحمن
- ابوسلطان
-عقب المركز الآخير في التصنيف كل شيء معقول!
*الحبيب ابوالعواكيس محترف النصر مانسو وين تتوقع يروح بعد ما ألغت الاداره عقده؟
عاشق العالمي- ابوعبدالعزيز - العريجاء
-محتار بين برشلونة ومنتخب سدير!
*عزيزي معوكس تكفى علمني ياصديقي وين كورة البلنتي حق محمد عيد عقب ماضيعه قدام الشباب..
نواف المطيري
- حي السلام
-أسأل فيلكس!
* الساحر معوكس من تتوقع يحسمها من الاتحاد والاهلي خاصة عقب احداث نهائي كرة الطاوله معقولة مالقوا أحد يقسم صح من ترشح لهم؟
عاشق الإتي
- سلطان العايد
- عبادي الجوهر!