الأسبوع الماضي كان بيت الأسبوع من طرح الشاعز زبن مقبل العنزي من بريدة حول موضوع تشققات الطرق وقلة صيانة القديم منها والبيت يقول: بعض الطرق صارت دمار وقديمه تحتاج لصيانه جديده ولوحات وكان الصدى من الشعراء: بعض الطرق صارت بحاله أليمه فيها الحفر واجد وفيها مطبات يا للأسف جرت عواقب وخيمه ماحط للتنبيه فيها علامات نبي من المسؤول جد وعزيمه يضغط على اللي قصروا بالغرامات ناصر بن جمعان آل عوض - وادي الدواسر قل الرقابه والقلوب الاثيمه تجعل دروب الناس حسره ومأسات لو العمل نفذ بجد وعزيمه يعطى لناس يعرفون المهمات كان اصبح المشروع خير وغنيمه والناس مرتاحه بروحه وحيات علي رشيد الرشيد - رياض الخبراء شفنا شوارع للبنادم عديمه متوسم فيها وعليها الزمن فات للي مشى فيها عواقب وخيمه يوم الصيانه غايبه كل الاوقات هذي تراها يا جماعه جريمه كم ازهقت روح بها كل حزات سعود سعد الحافي - الرياض بعض الطرق يا ناس ماهي سليمه ياشينها صارت بعضها مطبات ياما وياما من حوادث وخيمه اسبابها بعض انفجار الاطارات وين المقاول وين راع العزيمه يضع لنا عند التقاطع علامات عبدالعزيز العنزي لا من صيانة والصيانة عديمه شفنا البقايا من كثير البنايات وشفنا الحفر والعواقب وخيمه لامن حواجز والحصيلة وفيات واجب على المسؤول حرص وعزيمه والمخطي يجازى مع شديد الغرامات محمد عبدالعزيز الخنيفر - أشيقر ليت الشوارع كل ابوها سليمه قليل منها واغلب الشي ويلات صارت شوارعنا كسرها عظيمه واذا شكيت ابدوا من العذر ميات هذي حقيقه والشوارع وخيمه ماقلتها كاذب ولكن هيهات!! يوسف الخلف لكن مسؤول(ن) بنفس(ن) سليمه بعض الطرق تحتاج منكم دراسات وحتى تصير اخطوط سنعه وقيمه ثم تختفي كل الحفر والخطورات في أرضنا الخيرات ارض(ن) عظيمه لازم تجدد مع دوام الصيانات سعود عائش الحربي بيت الأسبوع تجاوباً مع مقترح كثرة المخلفات داخل الأحياء أرسل للصفحة الشاعر صالح البشري من الرياض ويقول: لاشفت بعض احياء المدينه تمنيت عنها تزال مخلفات المباني نستقبل صدى البيت بثلاثة أبيات تدور حول موضوع كثرة المخلفات من المباني وغيرها داخل الأحياء وذلك على الفاكس (4871070) أو الايميل [email protected] مقترح لموضوع بيت الأسبوع القادم رسائل الجوال الدعائية من الشركات واختراق خصوصيات الناس.
