كلن يردد قول مرحوم مرحوم

الشعر بالأحزان والوجد مكلوم
ومن الأسى هلت دموع القوافي
صدمه ذهول انتابت العقل ووجوم
من هولها عيّت تحرك طرافي
واصبحت من وقع النبأ حيل مهموم
وتقزم الهاجووس رغم احترافي
وكن القصيد بْحضرة الحزن منجوم
ومالوم خفّاقي وما لوم قافي
مانيب وحدي صُبح هالسبت مصدوم
كلن عليه من الحزن ثوب ضافي
لاعاد ربي عالعرب مثل هاليوم
اللي نودع به الامير السنافي
فقدت به الأمه زعيم ٍ وزيزوم
فضله على الاسلام ماهوب خافي
سلطان أبو خالد سند كل مضيوم
غير الذي يدعون له بالمشافي
البِشِر بمحياه واضح ومرسوم
وللخير في نفسه وقلبه مرافي
سلطان خير.ومدرسة طيب وسلوم
وجود وكرم مثله في الكون مافي
واليوم غطت جوّنا عقبه غيوم
ونور البلد من فقد سلطان طافي
وحيث الأجل أمرٍ مقدر ومحتوم
والموت مهما طوّل العمر لافي
نسالك يارحمن ياحي قيوم
ترحم أميرٍ عاش ثمْ مات وافي
كلن يردد قول مرحوم مرحوم
عن صادق موده ومن قلب صافي
مبروك الماضي