ريف الضعيف وخصم كل الأعادي

رحلت يا نبراس جزل المبادي
يا سيدي والحزن بالقاف ينقاد
أحس كني خارجٍ عن بلادي
كني وحيد وحزن الأيام ينعاد
وكني من الصدمة جريح الفوادي
رحلت يا سلطان كل الحزن ساد
على الوطن ما بين حضر وبوادي
لا عاد هاك اليوم لا عاد لا عاد
اللي صدم بالعلم كل العبادي
وفاة حلال القضايا والأنكاد
ريف الضعيف وخصم كل الأعادي
خسارته على جميع أمة الضاد
يومٍ رحل به يوم ماهوب عادي
عسى العوض به عزوةٍ كلها أسياد
آل السعود آل الكرم والهنادي
حكامنا اللي عزهم ثالث أعياد
في مجدهم روس الأوادم يشادي
الشاعر - مقبول بن قطنان الشلوي