عنا الوقت

ابشتكي لك من عنا الوقت ياصاح
وماغيرك احدٍ عقب ربي اشتكيله
بن الشقاوه داخل القلب قد فاح
ومن سبة الهجران روحي عليله
مدري متى ظيم الليالي بينزاح
وارتاح من همٍ بصدري اشيله
ساد الظلام وعكرت جوي رياح
مدري انا في صبح والا في ليله
اعاني الغربه واعاني من جراح
وماعاد ياابن الناس بااليد حيله
وبرق الامل في داخلي مابعد لاح
واحس عقبك في حياةٍ مليله
لاياوجودي وجد مطعون برماح
اووجد من صابت ضلوعه فتيله
على رفيق الروح قلت آح ثم آح
يوم ان تذكرت الليالي الجميله
اللي قضيناها على ضحك وافراح
وشمنا عن اللي معرفتهم فشيله
واليوم طيري باالسماوات قد ناح
وماعاد لي غير القصايد وسيله
ادعي عسا الله يقبل دعاي واجتاح
كل الهموم الكايدات الثقيله
عادل بن سليمان المخلفي