وفيت لك

وانساك لو روحي تمنى طواريك
يا خاين العشرة فتني كلامك
يومك تقول اني محبك ومغليك
ما عاد لي في سيرة الحب دامك
خنت الفؤاد اللي يودك ويغليك
وش سبة الهجران مدري علامك
اقفيت عن قلب قبل بين اياديك
أول غرامي كان غاية مرامك
والحين مدري يا اريش العين وش فيك
جرحت روحي بصدتك وانهزامك
عني وان افرح بك ليا حل طاريك
ادميت قلبي بطعنة من سهامك
ومن قبل ذا قلبي يعاني تغليك
تذكر يوم انه قاسي الوقت ضامك
شلتك وحطيتك بقلبي واداريك
وتذكر عذولك باول الوقت لامك
وفيت لك عشان ما ينشمت فيك
وفي آخر المشوار تنسى هيامك
فيني وانا دمعي على الخد يبكيك
انا غلطت وغلطتي باحترامك
سافر وانا ما عادني ملتفت فيك
واليوم قلبي ما يتقبل سلامك
ارحل وأنا برحل عسى الله يهنيك
عايد حطاب العنزي - الرياض