أحس في صدري

البارحه يوم اول الليل كد راح
جتني هواجيسٍ توارد مشيحه
تقبل وتقفي بين ممساء ومصباح
إن قلت و إن ماقلت ما هي فليحه
صدري من اللي فيه ماهو بمرتاح
لو هو كتم لابد يظهر فحيحه
أحس في صدري هواء قدر وان فاح
والارض تصغر والمسافه فسيحه
قلت آح لي مره ومرات قلت آح
مشاعري مماجرا لي جريحه
اشوف بعيوني مداهيل الاشباح
مدري اشوف الهم والا ضريحه
إبني على بعض الخسائر بالارباح
واسوق رجلي بالوطا مستريحه
اخاف من ميلة عقالي ليا طاح
واخاف من سود الليال ومطيحه
يالله تكافينا من سهوم ورماح
روحٍ تشافيها وروحٍ تبيحه
مدك ولا مد الذي يدينه شحاح
عفوك ولا عفو الوجيه القبيحه
عبدالله الهقاش