أنا ما أتَهيّض لين أشوف البروق تْلوح

ليا شِفتها جاني من الأرض خِفخافي
وقامت هواجيس الضماير تجي وتروح
وقِمت أبدع القيفان قافٍ ورا قافي
أوسّع بها صدري وأنا خافقي مجروح
أجِر اللّحن واللّي خَفا فالحشاخافي
لعل البروق اللّي لها فالغداري ضوح
تخِيل على دارٍ لها القلب ميلافي
على ديرةٍ نسمة هواها ترد الروح
ولوهِي عجاجُ وْحَر ماهيب تنعافي
لعلّهِ من البرّه ليا الوادي أبو سروح
ليا مرّها الطِرقي يقول المطر ضافي
بأمر واحدٍ يعلَم بسدّي قبل لا أبوح
إلهٍ بخلقه دايم الدوم روّافي
لو إني لِيا من جيتها والصدر مشروح
وشِفت المنازل بانيٍ فوقها السافي