لعل البروق اللّي لها في الغداري ضوح

أنا ماتهيّض لين البروق تْلوح
لِيا شفتها جاني من الأرض خفخافي
وقامت هواجيس الضماير تجي وتْروح
وقمت أبدع القيفان قافٍ ورا قافي
أوسّع بها صدري وأنا خافقي مجروح
أجر اللّحن واللّي خفا في الحشا خافي
لعل البروق اللّي لها في الغداري ضوح
تخيل على دارٍ لها القلب ميلافي
على ديرةٍ نِسمة هواها تِرد الروح
ولو هي عجاج وْحرما هيِب تنعافى
لعلّه من البرّه ليا الوادي أبو سروح
لِيا مرّها الطرقي يقول المطر صافي
بأمر واحدٍ يعلم بسدّي قبل لا أبوح
إلاهٍ بخلقه دايم الدوم روّافي
لو إني ليا من جيتها والصدر مشروح
وشفت المنازل بانيٍ فوقها السافي
شعر: سلطان بن دحيم الرويس
Your browser does not support the video tag.