مبروك فوزك يا «الرياض»

قصيدة بمناسبة فوز جريدة «الرياض» خليجياً ونبارك هذا الفوز ونهنئ رئيس التحرير الأستاذ تركي عبدالله السديري وعموم العاملين بالجريدة وإلى الأمام إن شاء الله..
مبروك فوزك يا الرياض المجيده
فوز التفوق بين كل الجرايد
مبروك فوزك يا الرياض الجريده
ولاهي غريبه لك بهذا عوايد
بأرض الخليج وبالديار البعيده
ياكم كم وكم له من ودايد
كم قاري يبدأ الصفحات بيده
يقرأ ويجد كل ما كان جايد
أحلى جريده بالمعاني مفيده
ياكثر مانجد بها من فوايد
أخبار وأفكار ومعاني عديده
وشعر الفصيح وعامي القصايد
يشهد لها فرد وجد ما يريده
ويشهد لا حض ومشايخ بدايد
فد وابو ماجد وسلوى وعيده
بالمكتبه عنها بحرص النشايد
كأنها بين الجرايد وحيده
فيها الجديد وبه غرام الودايد
اقول مبروك التفوق واعيده
واقول عسى دايم لفوز عايد
بعز ورخاء في ظل دين وعقيده
في ظل دوله ضد ضيم اللهايد
عن شعبها ضد الأمور الشديده
ولشعبها مثل المزون الرعايد
الشعب ينعم بالحياة السعيده
وامن ورخاء والخير وافر وسايد
في ظل من جعله سنين عديده
ما يشتكي في كبده الذوق كايد
عساه متعافي ويسلم عضيده
سلطان سلطان الوفاء والنجايد