بيت وصدى

الأسبوع الماضي كان بيت الأسبوع من طرح الشاعر مبارك الضعاوين من وادي الدواسر والذي يناقش الاسراف في المياه والبيت المطروح:
مقبل الصيف والحر يتزايد
والمياه احذروا الاسراف فيها
وكان صدى البيت من الشعراء
لا تبذر ترى التبذير كايد
ذي نصيحة من اللي يشتريها
كان تبغون تجنون الفوايد
فالوزارة لنا مدت إيديها
قدمت للمواطن في الجرايد
النصايح وذا واجب عليها
ابراهيم بن مسمار القحطاني - الرياض
يا بشر قل لنا ويش الفوايد
عادة شينها محدن يبيها
ما فعلته تراه اليوم كايد
نعمة وانتبه حافظ عليها
الله اللي نهى عن هالعوايد
وكم نفوس عواقبها تجيها
محمد بن عبدالعزيز الخنيفر - أشيقر
يا سلامي على راع العوايد
الليال العصيبة يحتزيها
جاب للمجتمع جملة فوايد
بالنصايح يوجهنا عليها
في بلدنا على الما حرص زايد
ثروة ما نريد النقص فيها
احمد راجح العصيمي - الطائف
لا تهاون في الأمر الأمر كايد
المياه الله واصانا عليها
احفظ الماء واستعظ من القصايد
احفظ اغلى ثروة وصي عليها
خلك اليوم في الارشاد قايد
وناس ما تستمع حسبي عليها
سلطان بن محمد الحبابي - الطائف
صيف وشتاء غدا طبع وعوايد
البزابيز للآخر راخيها
من يدين الخدم بالجود جايد
أسرفت فالمياه ولا عليها
يا كفيل الخدم نبغى الفوايد
النصيحة لهل بيتك نبيها
حسين بن ناصر البقمي
بيت الأسبوع:
كتبه دغيم فهد الخمشي:
مراقب بالسوق ما يقدر يقول
محل راجي مسجله باسم المره
نستقبل صدى هذا البيت بثلاثة أبيات فقط على ان تناقش القضية على الفاكس: 4871070 خزامى الصحارى - زاوية بيت وصدى.