طعنة مكنونة

ل ابتدأ يوم الربوع وكل حلمي عصره
مالي إلا شوفة اللي يسحرن عيونه
يا وجودي وان لمحته وان تثني خصره
وجد عود ساجنينه في سداد ديونه
كان يرضى تل قلبي كيف يرضى عصره
والله أن القلب خلفه والحنايا دونه
علموه ان كان يرضى في عذابي بصره
بس لا يقسى عليّ ولا يزيد طعونه
والله ان القلب ملكه والضماير قصره
دام قلبي صار ملكه خزنته مصيونه
واحد ما له شبيه من اليمن للبصره
والله اني مالقيت اللي حلاه ولونه
من حلاه احلى الصفات بطلّته منحصره
كن مابه لا وسيم ولا بقى مزيونه
جامع شام الجمال وتونسه مع مصره
حي هاك الوجنتين وغرته وعيونه
كن روحي للوفاة بضحكته مختصره
لا ضحك في شفتينه طعنة مكنونه
ماحلى يوم الربوع ليا ابتدا من عصره
كن حبه ف الحنايا سنه مسنونه