الباب ذا مني مقفّل ومحضور

هذي ثلاث عقود والدار مهجور
بيتٍ عليه رسوم علم وثقافه
اليا نظرته قلت ماني بمسرور
في الوقت هذا كل شيٍ نعافه
لكن يا بيت العنا عطني الشور
انا حزين وفي هم وكسافه
سبايب اللي كان يولّع بك النور
هاك الفتاه اللي عليها الحسافه
ام العيون السود والعنق مستور
تزها اللبوس الضافيه والنظافه
مزيونةٍ ماكنها الا من الحور
اصغيرةٍ بالسن والها وصافه
مصيونةٍ بالسر عن كل مغرور
مالي تباهي بين جيل اللقافه
الباب ذا مني مقفّل ومحضور
والزين غالي والمحبه كلافه
عزي لحالي ما يداويه دكتور
بين العرب كلٍ فطله وشافه
واليوم انا أبا اقول للزين معذور
من بعد حجه كمل الله طوافه
لو كان قلبي فيه دقات وحرور
مالي عن المكتوب درب انحرافه
مشعل صنت العصيمي
Your browser does not support the video tag.