التعليقات

يا الله اني ملتجي بك يالعزيز الكافي=عن صدف بقعا وميلات الحظوظ السيّه
يا سواد(ن) مر حائل في نهار(ن) طافي=سيّلت دمعة وداعك في 12 بنيّه
الفضا ضاق وتجهّم واكتساه السافي=والحزن غطا الفياض وناحت القمريّه
ياوجد عيني ياعود(ن) هل دمع(ن) صافي=وياوجد قلبي على أم(ن) مايأست بالجيّه
علمهن يدمي القلوب ويمرض المتعافي=كنّ لي معهن على كبر المصاب (اوخيّه)
آآآه.. يا ليت الليالي علّمن بالخافي=كان نامن عن قدرهن في هاك الصبحيّه
حلمهن علم ووظيفه والقلوب ارهافي=وشالن الحلم الثقيل اللي يهد الطيّه
بين فجعات الطريق وبين حلم(ن) غافي=وادعنّا.. والضماير نارها مغطيّه
ياعسى الجنة سكنهن والثبات الحافي=والصبر بأمرك تسوقه للجروح النيّه
العزا لعيال عبس وللكريم الوافي=قائد الأمة أبو متعب سليم النيّه
البقا لله وفيكم.. والأمل بالقافي=تنقذون اللي بقى يأهل القلوب الحيّه