يحق له

من دولة الإمارات العربية المتحدة أتانا هذا النص الزاخر بالشعر والجزالة من شاعره الجميل.. سعيد الراشدي:
اكتب قصيدة كل ما شفت خلي
وشتاق له لا غاب وكتب قصيده
يعني القصايد كلها ثم كلي
نوصف جماله والوصايف فريده
يحق له لا صار فيه التغلي
القلب عنده راح برحات ايده
أنا اشتكي له منه في ما حصلي
له قلب قاسي نعم نفسه عنيده
وقلبي يحبه موت يا كيف حلي
يجرح فوادي بس عيَّى يفيده
من زود ما بي زاد همي وغلي
أن شهراني في محبه شديده
يا صاحبي بروف وشل في فيك قلي
كل يوم عندك لي عقوبه جديده
ما تخاف ربك وانت مؤمن تصلي
وشبعتني تعذيب وش لي تريده
عطني جوابك في رساله رسلي
لك هاتفي مفتوح وارد بريده
وإذا ظروفك سامحه اتصلي
بسمع كلامك بالعلوم الوكيده
لاني أحبك خل غيرك يولّي
آخر كلامي وألف مرة اعيده
كل القصايد فيك يا روح كلّي
انهي قصيده وابتدي في قصيده
سعيد بن غمّاض الراشدي- الإمارات