عيوننا.. قصائد

مشاعر الحب كزخات المطر التي تأتي دوما بعد مواسم الجفاف
لتحيي القلوب.. هنا نبض وعزف ونزف.. وعيوننا كلها قصائد
(عيونك قصيدة)
تطلب أكتب قصيدة في جمالك
بسألك لولاك وش معنى القصيدة؟!
من عرفتك والقصايد كلها لك
شاعرتك ما تكتب لغيرك جديدة
بس أرتب قافها ثم تنهدى لك
الفريدة من العرب تهدي الفريده
شاعرتك مهما عن عيونك حكاتك
ما قدرت تعطيك كل اللي تريده
القصيد وكاتبته كله حلالك
ما يزيدك شي زينك هو يزيدك
القصايد ما تجيب أقصى جمالك
كل شي فيك يستاهل قصيدة
العزى السبيعي