حي الشهادة

ياوطن في سبيل رضاك
الموت دونك عز..كان الله احيانا
ياموطني وشلون نحيا..ولانحياك
وأنت الحياة وعزنا..عز دنيانا
ربي وهبك المجد ثم جادلك واعطاك
سيرة بطولات…نكتبها وتقرانا
ياخادم البيتين بشت الفخر يزهاك
وخضر البيارق مرتوية(ن)من دمانا
نفدى ديار العز وارواحنا تفداك
حنا من ادنانا ذرا الدار لاقصانا
حنا عصاك اللى على الحق ماتعصاك
وحنا اليمين اللي بها/تضرب اعدانا
ياسيدي تأمر وحنا على يمناك
واللي يجينا طامعا ماتعدانا
إن كانها بالسلم سلم(ن) لمن والاك
وإن كانها بالحرب محدن تباطانا
نار(ن)تشب المعركة من هنا لهناك
متوكلين(ن) بالولي نحمي احمانا