غيابه..ربابه

في غيابه.. يا غيابه.. ليه تاخذني ل بابه
ليه تكتبني قصايد،
ليه تذرفني دموع،
ليه تلبسني كآبه؟!
**
يا غيابه.. شو الجديد؟
في غيابه م ابقى شي ٍجديد
ولا بقى في العمر عيد،
ما بقى للنزف في صدري وريد
ولا بقى دفتر يكفّي للكتابه.. في غيابه!
**
في غيابه.. ياغيابه.. ليه ما تعلن غيابه
ليه تتشكّل أغاني
ليه تتوقّد شموع
وتبكي بصوتي ربابه؟!
**
ياغيابه.. شو تريد؟
كل شي به شكّ.. بس انته أكيد
ما اقربه ذاك البعيد
ما ابعده.. بس هو الوحيد
اللي الأماني كلها تركض لبابه.. في غيابه!
***
في غيابه.. ما نسيت.. وهو نسى
في غيابه.. ما قسيت.. وهو قسى
آه يا دنيا الأسى
مركبي في بحر حبه ما رسى
وكل ما طال الغياب،
تنبت على شفاهي عسى!
يا الله عسى..
ما يطوّل في غيابه!