حدود الكفايه

هات كف الندى نكمل فصول الحكايه
يمكن اللي بقي في رحلة الما نهار
صاحبي ما على روحي وروحك وصايه
ليه ما نهدم اللي حولنا من حصار
قبل مالريح تتهجا رماد النهايه
وقبل ما تشتعل خطوات الأيام نار
خذ يديني نسافر عن خطاك وخطايه
لين نلمس كفوف المستحيل انبهار
يمكن بحلمنا نعبر حدود الكفايه
ونرسم لباقي الرحلة شموس ومسار
نكمل الدرب لو نعثر بطيش الوشايه
وينولد للأماني نجمتين .. ومدار
ونطوي الليل مادام الصباحات جايه
وننعتق من حدود الصمت والاختصار
من سقى سدرة أحلامه بجمر الغوايه
يحترق واقع ايامه ندم وانكسار
ومن ركض في دروب العمر من دون غايه
تصفر الريح بثيابه ويظهر .. غبار
عبدالله عطية الحارثي