اتركني أغني جروحي مواويل

الياس يطوي خافقي ميل وميل
والدرب مبهم والليالي تشابه
وكم طاح من عيني دموع ورجاجيل
واكثرهم المتساقطين القرابه
ياليل ماني ذاك الإنسان ياليل
اللي طموحاته تفوق السحابه
اتركني اغني جروحي مواويل
واكسر صدى صمتي بصوت الربابه
يمكن كذا تنبت يديني محاصيل
وارسم من احلامي جنون الكتابه
انا شعور يكره القال والقيل
ويقلقه من بعد موته حسابه
ولا عاد يعني له وضوح التفاصيل
وياخذ من ابسط حل رحلة زهابه