عبث

عبث.. أحزن.. على ذكرى قديمه
عبث.. أغفر وطعناتك أليمه
عبث.. أبكي.. وقلبي حيل ميت
من الحسره.. من الضيقه وضيمه
تعبت أصد عن وجه المرايا
تعبت أطمس جروحي المستديمه
تعبت أشرح (أنا لو كنت بايع)
ما كان أبكيك والنيه سليمه
أبي أعرف وش اللي ارتكبته
ولا لك غير قدرك والحشيمه
يبان بعيني اليمنى خفوقي
ويبان بعيني اليسرى نديمه
إذا لك حق عندي ما خذيته
عطاك الله عمري خذه قيمه
ما عاد أبغى بعد بعدك حياتي
حياتي دون ميرادك ظليمه
شف النوم أخلف الهقوه بعيني
تركها للسهر بشداد ريمه
سهت عيني على الساعه واردد
عقيمه يا دقايقها عقيمه
يعيش (ا) من الأمل رجل وقصيده
ويموت من الأسى حلم اليتيمه
وأنا الساقي يمر بعرق ساقي
واحس إن الخطاوي لك حميمه
أروح .. عن هوى دارك مودع
أقدم رجل والأخرى مقيمه
تمنيت الرحيل.. وذقت مره
وعادت إلي عوايدها حليمه
أروح ولا رحل طاريك عني
ضميت ولا بقى بالوصل ديمه
طلبتك يا مودع لا تودع
خذ جروحي وذكراك القديمه