يا عود يسقيك هتان المخايل يا عود

يا عود: يسقيك هتان المخايل يا عود
ضميّت من كان للأمجاد مضرب مثال
ضميّت الأبيض ليا صارت الأيام سود
ضمّيت الأشوس بساحات الوغى والنزال
ضميت سلطان بن عبدالعزيز السعود
الفيصلي لا تعزون به بنات الحلال
اللي ليا زادت العازات مده يزود
يبين علمه ليا عد الرجال، الرجال
يا ما تداوت من الخطلا يمينه كبود
عسى له الجنة الخضراء مقر ومآل
اللى عن حدود الأمة كان يا ما يذود
اللي جوابه جواب إن كان شط السؤال
الله يحسن عزاء الوالد سليل الفهود
الغيم عينه، ومنها صادق الغيث سال
رغم التعب والمشقة كان بين الحشود
ما طاع شور الطبيب، اللي رقى كل عال
وحنا عزانا الأسد، ما ينجب إلا الأسود
الطود يملا مكانه نايفات الجبال
وسلطان عاش محمود وودعوه محمود
عساه في الخلد يا لمعبود يا ذا الجلال
عبدالله رمضان الرسلاني