وشاح

كم بقى لي من الأيام كم ليل راح
مثل مر السحابه عمرنا والسنين
أمس نلعب مع الأطفال ضحك ومزاح
نجتمع ونتفرق صدق ح ب وحنين
لا اغربت شمس عدنا للعشا والمراح
لا اصبح الصبح شفنا ما .. وعشب وطين
كانت أيام حلوه بالفرح والسماح
والكرم والبساطه والعرب عايشين
والوفا والشهامه بيننا والنصاح
وعزة النفس والطيبه وتلقى العوين
والقصيده وقصه والليالي الملاح
وعود أزرق ودله ومجلس وغانمين
والهجن والفروسيه ورمي السلاح
زينها من رياضة عادة الأولين
والنخل والشجر والرعد والبرق لاح
ثم هلت مزون الغيث وقت وحين
الله أكبر زمان فات فيه الفلاح
والسعد والوعد والطيب يالله تعين
ذكريات من الماضي تقلد وشاح
وتستحق الرياده لو تمر السنين
يا عسى أيامنا دايم بخير وصلاح
يا مجيب الدعا اجعلنا من أهل اليمين