ذكريات

كم بقى لي من الأيام كم ليل راح =مثل مر السحابة عمرنا والسنين
أمس نلعب مع الأطفال ضحك ومزاح =نجتمع ونتفرق صدق حب وحنين
لغربت شمس عدنا للعشاء والمراح =ولاصبح الصبح شفنا ماء وعشبٍ وطين
كانت أيام حلوه بالفرح والسماح =والكرم والبساطة والعرب عايشين
والوفاء والشهامه بيننا والنصاح =وعزة النفس والطيبه وتلقى العوين
والقصيدة وقصة والليالي الملاح =وعود أزرق ودله ومجلس الغانمين
والهجن والفروسية ورمي السلاح =زينها من رياضة عادة الأولين
والنخل والشجر والرعد والبرق لاح =ثم هلت مزون الغيث وقت وحين
الله أكبر زمان ٍ فات فيه الفلاح =والسعد والوعد والطيب يالله تعين
ذكريات من الماضي تقلد وشاح =وتستحق الريادة لو تمر السنين
يا عسى أيامنا دايم بخير وصلاح =يا مجيب الدعا اجعلنا من أهل اليمين