نصيحة

حافظ على فرضك تنول الفلاحي
أدّ الفروض الخمس من غير تأخير
ولبّ المنادي خص وقت الصباحي
ولا يلحقك في شايبك يوم تقصير
والأم من برّه تقلّد وشاحي
والجار له حقٍ وحشمه وتقدير
ومن لا يحشم الجار ما به سماحي
وترى التواضع يرفع اكبير وصغير
وراع الكبر في دنيته ما استراحي
رافق كريمٍ ما يحسب المخاسير
تعيش عمرك يا رجل بارتياحي
رجّال وافي من هل العرف والخير
وعلى العلوم الطيّبه ما يلاحي
إلى تكلّم يدهشك بالتعابير
وترى المراجل للنشامى سلاحي
على دروب المرجله دايم يسير
يكره يشوف أهل النفوس الشحاحي
وصِل القرابه كان تبغى التباشير
والنفس تبغى للتروّض كفاحي
اطلب من اللّي كاسي الريش للطير
إنه يحفظك بالمساء والصباحي
واللي مقدّر يا رجل رايح يصير
دنيا نعيشه والعمر بانزياحي
الشاعر: عبدالكريم إبراهيم بن خزيّم - البكيرية