قصيدة تغتسل بملح البحر، كتبها الشاعر محمد بن معدي حزنا على وفاة الشيخ عبد العزيز بن محمد بن عامر. يالله ياللي بايدك الشر والخير يا هادي نفوس البشر من غواها انت الإله اللي عليك التدابير محيي القلوب وغافر(ن) عن خطاها اسألك يا جابر عظام المكاسير ياللي رحمت العين في جر ماها تجبر مصاب(ن) صابنا دون تحذير غابت معه شمس(ن) ينور سناها الموت حق وكل ابونا مسايير وأيامنا دارت علينا رحاها مات «ابن عامر» يالله تعيضنا بخير والمنطقه يالله تحسن عزاها مات «ابن عامر» شيخ قوم(ن) مناعير شيخ القبيله يوم ربي عطاها من عهد (أبو تركي) ليا موته يسير على دروب العز خيله حداها كفو(ن) تراكا للحمول المعاسير شل الحمول الكايده واحتماها ميزان عدل وغيم جود(ن) مزابير تشهد له فعول(ن) ينومس نباها حاتم زمانه وإن سطا سالم الزير وإليا هرج حي العلوم وصداها في الدين شيخ(ن) صادق(ن) وجهه امنير عامر بيوت الله بذكره بناها مات وعسى ما جاه طهر(ن) وتكفير يالله عسى الجنه مقره عساها وأنا اشهد إنه ما تركنا على الغير خلف رجال(ن) نحتمي في ذراها (احسين ابن عامر) كما طويق و النير واصل مسيرة(ن) شايب(ن) قد مشاها سيرة بطل فيها دروس وتعابير موسومه ووسم «ابن عامر» زهاها واخوانه اللي يحتمون الطوابير سقم العدا طب الجروح ودواها ودروع جنبي صادقين الاشاوير أولاده اللي شف بالي رضاها يالله يا مجري الرياح المباكير تجبر مصاب قلوبنا في عزاها الموت حق وكل ابونا مسايير وأيامنا دارت علينا رحاها محمد بن معدي
