تعري الحال

يغيب الطيش وتغيب القرى وأودع الأحلام
يغيب الشعر ف غيابه نسيت وعود خلاني
يقولون السفر وين السفر من حلة الأوهام
وانا اغيب اتشظا والجمر رمّد على اجفاني
ذكرت اللي يساورها اليقين بحرقة الانسام
هي اصدق من لمس هالحزن لا غيب بوجداني
يمر هذا الشقا في غيابها والعام يتلا.. العام
وانا لا جيت ابنسى شفتها في نظرة اخواني
اخيل افراحهم أشباح تركض لي بدون اقدام
تلبسني وانا مالي سوى طعنات حرماني
خلا من طيبها بيت نما من شوفة الارحام
خلا هذا الفضا من حسها من صوت جيراني
خذت هالناس من راحت ولا باقي سوى الايام
اشب فيها الدعا .. يا الله ثبتني على ايماني
تطهر روح لامرت وأركع لله العلام
الين ادفا.. على جال الحنين وتذبل احزاني
بكى طفل وتنهد شايب لاهو بكى ما انلام
وبكيتك بس انا وشلون بعدك ينطق لساني
سنين الراحلين حسابها ماينحسب بارقام
متى سال الخفوق بشوقهم وشلون ابلقاني
ابكتب سيرتك واخاف (يمه) كذبة الاقلام
وانا لامن بغيت آسج عنك يخون نسياني
تعرى الحال.. طحت من العنا.. محتاج روحي تنام
على صدرك وصدرك فيه كل ناسي وخلاني
يغيب الشعر وتغيب القرى وأودع الاحلام
اذا كان المقام اكبر من احزاني وقيفاني.
سطام مشهور