الصبر طيب

يامل عينٍ جزوع ونومها غفوه
ودموعها عن منام الليل توذيها
الليل مثل النهار وبيننا خلوه
اكتب من الشعر وارتب معانيها
الشعر لي بابٍ ادخل منه للسلوه
لا غربلتني همومٍ كنت مخفيها
ياما تجرعت مر وكنه الحلوه
ومشيتها يوم غيري ما يمشّيها
الصبر طيب وطبعي يكره الجفوه
يا شين جفوى عنودٍ وانت مغليها
الله يومنّها جتلي على المنوه
وانا بعد جيتها من فوق امانيها
الحب بردٍ شمالي واللقا دفوه
والعين تفرح ليامن رد غاليها
عليك يا مركيٍ كبدي على الجذوه
ارفق بروحي تراك اظهرت خافيها
يا عين شيهانةٍ ما تقرب الهفوه
فيها وصوف ٍجميلاتٍ تحلّيها
انا على الطيب ما ظّريتها الكبوه
لعيونها قدمها ما قلت اخليها