عشق النقا

غلاكم سرى بروحي كما سايقٍ سراي
يسج المواتر من شمالً الى القبله
يعيد الغلا فيني مع الخافق السجاي
ويسقي هوى روحي مثل مطرت الوبله
رضى الله على عشق النقا والبخت نقاي
تفيض المشاعر مثل دلو انفلت حبله
تجدد عهودٍ ماضيه مالها نساي
وتسيل المحاجر مثل مزن انهمل سبله
تدفق مزونه مع مسيلٍ بها راعاي
له اعوام وهو في غبة الليل يرقب له
تضيق الليالي والخواطر لها سقاي
ولانحسب حساب الفراق ونحسب له
نحسب العمر في باقي الوقت له بقاي
تحايل لنا واصله وعلى القلب يحسب له
يوقع بوسط الروح معه الضماير جاي
على الواقع اللي يعجز الحال وينشب له
وياخذ على الود ويمشي على براي
وتصبح ضلوعي بين هشه ومنذبله
اكفكف دموع العين معكم وانا بمسراي
واخبي جروحٍ فالحنايا ما تر غبله
لعل العواذل مالها مع البشر مضاي
ونرتاح من هرج الردى قبل يندبله