عين الصبر

ياليت عين الصبر ب ضلوعي تويق
حتى تفك القلب من مشغلاته
احيان اطيق وبعض الاحيان ماطيق
يوم التعب جيشه عدت عادياته
سيّد همومي وثّق الجرح توثيق
لو افتح ضلوعي عطيتك ثباته
اغيب مع غيبوبته وقت وآفيق
قبل السعد يغتال جفنه سباته
واحاول اصدّه ب عذب الطواريق
من ملهمات الحرف ومعلقاته
وافكّ لآمال الضمير المسابيق
لين الشموخ آويق بمشمرخاته
لازال للفرحة بصدري مشاريق
اللي تخل الليل يرمي عباته
ماتدهل الضيقه عيون المخاليق
لين التعب فيهم يجمّع شتاته
امشي بنجد العز واعنز على طويق
ماعرف تهامة شدّته من سراته
وانطح ب عزة ناظري ناظر الضيق
مابغاه يهزم ناظري ب التفاته
ابكّي عيون الملام الغواريق
حتى ماتضحك بي عيون الشماته
واهزم معاليق التعب ب المعاليق
اللي سواتي من يسوي سواته
اللي حنى .. روس الآمال المواريق
راس بدوي ٍ راس ماله عصاته
وانا اعرف الوقفه حضوض وتوافيق
يدفع لها الرجال قيمة حياته