مملكتنا

يا مملكتنا عزيزة يا السعودية
سلام يا موطن الأباء والأجدادي
يالله عسى الغيث يسقيها صباحيّه
ويعمّها بالحيا ما عنه نشادي
يادارنا اللي لها بالقلب حنيّه
يحس فيها غريب دونه ابعادي
منهاجها الدين والأحكام شرعيّه
وسنة نبي الله المبعوث والهادي
حكامها هم هل العوجا علانيّه
اخوان نورة كعام الضد والعادي
وسلمان زيزومها ما غاب طاريّه
ابو فهد دونها للموت ورادي
يا ذا الملك نظرتك نظرة سياسيّه
سياسي محنك وحلحيل وقيادي
كثير مع سطوتك أعمال خيريّة
تعم فيها الجميع جموع وافرادي
وولي عهدك محمد صافي النيّة
عدو للشلة اللي تكره بلادي
صارم وجبار ضرباته حديديّه
عوقٍ لخصمه ان كان العلم ما فادي
قضى على زمرة الإرهاب موليّه
والأمن عم البلاد وفوقها سادي
لك يا ولي العهد بالعز ماريّه
فعلٍ عليه الملا حضار واشهادي
وولي ولي العهد رمز القياديّه
شبيه جده على الصعبات معتادي
مني تحية لابو سلمان مثنيّه
معها شذى الورد والريحان والكادي
انت وزير الدفاع وراع الألفيّه
حطيت للمملكة رايات وأمجادي
يا هامة ذا جبروتٍ وأهميّه
شديد لين على قاسين وأجوادي
وسلام يا شعبنا يا شعب السعودية
لعل ما ينكتب لك شر وانكادي