شيخ الفعايل

مرثية بالفقيد الشيخ مبارك بن عسكر الهاجري (يرحمه الله)
باقي بقاياك يا الأيام غني به
كبرت علينا خطوبك والقضاء جاري
ما ادري وش اللي بقى ما عاد جيتي به
مادام راس الوفا يذرا به الذاري
كشرتي بوجه ماحيا يحيي به
من سموة الخير ومن الذائقة عاري
في غرة الشهر نعي الشيخ فوجي به
صيام شهر الفضايل جوفها واري
أعوذ بالله من الشكات والريبه
لكن جرح الزمن ماعاد هو باري
سليل مجد العرب .. ياللي تعزيّبه
عزّ الكرم والوفا والجود يامداري
نعم نعم كل طيب فقده مصيبه
لكن طيب بن عسكر ماله مجاري
هو هاجري النسب وأنا من عتيبه
لكن في غير واف الشبر ما اماري
الله يرحم عظامك ياهاك الشيبه
مسطر اسمك بمجد الكون للقاري
ومسطر بذاكرة مجد العرب طيبه
ولذكرك اليا ذكر رسم الوفا طاري
يا الله ياللي تفرد علمه بغيبه
يارب الأرباب ياقيوم ياباري
ترحم مقر الوفا والعز والهيبه
شيخ الفعايل نهار البيع والشاري