في الصميم

@ حسافة..
تنتهي الخطوة
حسافة..
اضيع هالحظوة
حسافة..
تنطفئ اشموعك
وتصير الدار من دونك
حكاية ترتجي دموعك
حبيبي اشلون هالدنيا
تمني الوقت برجوعك
@@@@
إلا يا كيف عذالك
تراهم لعبوا بحالك
يجونك..
مرة بالضحكة
ويخونك..
من يدعي قربه
حبيبي لا يجي ف بالك
يعافى القلب.. اهلالك
@@@@
تصور يا بعد روحي
غيابك جدد اجروحي
تصور يا ضيا هالدار
يدور الكون بي واحتار
غريبة..
صفوة الاقدار
تغير ماضي التذكار
انا لو طالت الايام
مسافاتي
كتاباتي
اقلامي
واوراقي
شهود احساس
يا أعز الناس
لو يقسى ويباعدنا (القرار)..!!
@@@@
تخيل دنيتي بعدك
ظلام يرتجي نورك
ادور في المسا حضورك
يا أنت
حاضري وامسي..!!
خاطري وهمسي..!!
نهار مر ودعنا
وبقيت ابكي
على افراحي
على جراحي..
متى وقتك
يطل دايم على شمسي؟!!