الضيف

رحب ليا جاتك وجيه المسايير
وفل الحجاج ودن مالكيف فنجال
فنجال خولان وصبه بتقدير
لاهل الوجيه الفالحه عز وجلال
واظهر على وجهك جميل التعابير
ورحب ابضيفك وسمعه زين الاقوال
وقدم له الميسور دون المعاسير
مما حوا هالدار في كل الاحوال
فالضيف له حق وحشمه وتقدير
وله منزل مايشبه الكل منزال
الضيف ضيف الله وفي مقدمه خير
يفرح به اللي مجلسه دوم مدهال
رجل على شوفه يسوق التباشير
لو كان جيبه ما يحصل به ريال
فيا وجد حالي يارجال المناعير
اللي لهم بيبان ماتعرف اقفال