غربة عمر .. غربة زمن .. غربة بيوت

أغرا .. أحاسيسي .. نغم لهفة التوت
يمكن على شان الايادي امينه
واجتاحني طيشٍ كما.. طيش طالوت
من زحمة افكار القصيد الثمينه
نفس الوجيه ونفس الايام والصوت
نفسه ونفس الذكريات الحزينه
هات القلم.. والمانيه على الجوت
ابطلق بصدري عذارا سجينه
فرايدٍ مابين جوهر.. وياقوت
كانت تحت رحمة يديني رهينه
صياد حوت اليا طرح يطرح الحوت
يهوى من الصيد الجزيل السمينه
رمحه يصيب وما تعود على.. اوت
يرمي هدف مايطلبه في جبينه
كنه سحر.. متعلمه عند هاروت
ابعد من البعد وتطوله يدينه
كم واحدٍ عايش ويستاهل الموت
عمره على كبدالليالي غبينه
وكم واحدٍ دايم وهو فاته الفوت
راحت سنينه يا حلاوة سنينه
مكبوت لو ماقالوا الناس مكبوت
صبري تعدا طاقتك ياسفينه
نفس الوجيه ونفس الايام والصوت
نفسه ونفس الذكريات الحزينه
جتني على غفلة من الصمت بسكوت
لين فضحت سر القلوب الدفينه
غربة عمر.. غربة زمن.. غربة بيوت
غربة اوادم واختلافات طينه