يارب / يا قهّار / يا ذا الجبروت=احني لك الهامه .. و راسي خضعته مِطلِقّ لك الدمعه .. و انا جيك بالصوت=شوفي على قاعك .. و كفي رفعته ذنب ٍ سرى بي بين وديان و اخبوت=اطيح في درب ٍ .. و درب ٍ قطعته مستوحش ٍ منّه .. و خايف من الموت=لو ادري إن ذي العاقبه ؟ ما صنعته سجيت فالدنيا معا الغيّ و النوت=و كم طاري ٍ يطري علي .. ما منعته ظلمت .. و اخطيت .. و تماديت .. و ( آآآشوت )=نصيحة اللي ودّني ما سمعته اصغر خطا لو هو على شان ( بيلوت )=حلف ٍ قوي .. ليت إن لساني بلعته و اكبر خطا ؟ ماهو على قافية ( أُوت )=( إستغفر الله ) ... ليت و إني جزعته البال ؟ وادي حزن ... و الصدر ؟ مكبوت=و الضيق ؟ رجم ٍ .. كم نزلت و طلعته و الدمع ؟ سيل ٍ يشلع الخد و إيفوت=و العين ؟ غيمة صب .. و الدرب ؟ ضعته و انا ؟ الحِزين اللي من الحزن منحوت=لو الفرح فيه إختراع ؟ أخترعته و الوقت ؟ موج ٍ هايج .. و ذنبي ؟ الحوت=يظهر ... و ليلي كم سرى ما هجعته و الموت ؟؟؟ بين ( الثانيه ) عاش و ( الفوت )=و ان جاك ؟ لو إنك ( ملك قاع ) .. طعته جمعت في دنياك شرب ٍ معا قوت=لكن وش اللي وسط قبرك جمعته ؟ كم قد لهيت إب( مُرّ دنياي و التوت )=الكل منها فالزمان اجترعته ما يستر اذنوبي على ربّي ( الكوت )=اللي له الراس المعزز .. خضعته ذنبي عظيم .. و خفت من طاري الموت=لكن .... رجاي ابخالقي ما قطعته
