يا ذوق

لو تدرين ما بي من العوق
ولو تعلمين أين عل الوصل شفقان
عشقك لبسته مثل ما يلبس الطوق
ازريت وانا ارجيك يا عود ريحان
غالي ولك عندي مكانه ومرموق
ولك بالحشا منزل وروضه وبستان
يا اللي جمعت الزين والطيب والذوق
فتحت لك قلبي نوافذ وبيبان
قلبي يحبك يا هوى البال محروق
وسط الحشا شبيت بالجوف نيران
سبحان من صورك من بد مخلوق
همسك ولمسك له ترانيم والحان
من يوم ما صديت ما للهوى شوق
لا ضاق صدري فرّجه عالي الشان
لا تشتكي يمي ترا الحال مزنوق
اسطر لك المعنى مثايل وقيفان
سبكت في حبك قصيدة وطاروق
خليتني شاعر وراوي وفنان