الصيف.. والوطن

قالو إتصيف وين قلت إبوطنا
غرب أوجنوب وشرق وإلاشماله
أوبالقصيم إديارنا اللي سكنا
ديرة هل المعروف لاجا مجالة
قالو تروح الناس منا ومنا
قلت الوطن بالعين زايد جماله
المملكة كل إلشوفه تمنا
دار (الحرم) دار (النبي) والعداله
إزيارته العبد فرض وسنا
المسلم القادرله الرب قاله
هي عزنا هي فزعة اللي زبنا
عزه ولي العرش جل جلاله
واحة آمان الخايفين إبزمنا
غصب على الحساد و أهل الجهاله
خيرة شمل الكل من غير منا
ظلل على كل الخلايق إظلاله
نعيش وإن متنا إبثراها إندفنا
وحكم السعودي مايجيها بداله
يامسافر غلطان كانك تظنا
إن السفر فرض عليك إحتماله
أطفال تجهل والنسا يجهلنا
من طاعهم ضيع قوام الرجاله
اللي جلس بالمملكة ماتعنا
وعليه عاد اللي صرف من حلاله
كم واحد سافر شقي ماتهنا
بالنفس وإلا إعيال وإلا إبماله
وكم جاهل سافر وهو مطمئنا
وبعد السفر أصبح على الكل عاله
يبن الوطن مسافر عن وطنا
ترهب قريص الداب شوفة إحباله
وإعداد سحب خيلن وأمطرنا
صلو على (محمد) وصحبه و آله