الحاكم اللي ينصر الحق والدين

يعيش أبو متعب حبيب الملايين
قايد مسيرتنا وحامي وطنا
العادل الصارم صعوط المجانين
درع الوطن لا جات منا ومنا
الحاكم اللي ينصر الحق والدين
بالرأي والحكمة وسيفن محنا
من هيبته تخضع رقاب السلاطين
وعدوه بحلو الكرى ما يتهنا
قد لها في حزة العسر واللين
لا قالوا العدوان حنا وحنا
شد الحزام وطور المملكة لين
طير السعد حام بسماها وغنا
خلى أرضها تنبت زهور وبساتين
وخلى سماها ينشد النجم عنا
قال السعودية على الرأس والعين
وبلادنا والشعب فينا ومنا
يسعى لعز الشعب من حين لحين
يبي الوطن يجي على ما تمنا
جهود يمناه الكريمه لها سنين
دايم تحوش الخير وتمدد ألنا
وعز الله انا بنعمة وحضنا زين
ما دام أبو متعب يمثل وطنا
صنيتان بن فلاح السميري