يعيش أبو متعب حبيب الملايين

قصيدة في خادم الحرمين الحرمين الشريفين الملك عبدالله بن عبدالعزيز (حفظه الله)
يعيش أبو متعب حبيب الملايين
قايد مسيرتنا وحامي وطنا
العادل الصارم صعوط المجانين
درع الوطن لجات منا ومنا
الحاكم اللي ينصر الحق والدين
بالرأي والحكمة وسيفن محنا
من هيبته تخضع أرقاب السلاطين
وعدوه ايحلوا الكرى ما يتهنا
قد لها في حزه العسر واللين
لقالوا العدوان حنا وحنا
شد الحزام وطور المملكة لين
طير السعد حام ابسماها وغنا
خلى أرضها تنبت زهور وبساتين
وخلى سماها ينشد النجم عنا
قال السعودية على الراس والعين
وابلادنا والشعب فينا ومنا
يسعى لعز الشعب من حين لحين
يبى الوطن يجي على ما تمنا
اجهود يمناه الكريمة لها سنين
دايم تحوش الخير وتمده ألنا
وعز الله أنا أبنعمه وحظنا زين
مدام أبو متعب يمثل وطنا
- الشاعر/ مالك بندر هندي السميري العتيبي